सोनू की टीटू की स्वीटी आणि लुका छुपी चित्रपटानंतर कार्तिक आर्यननं बॉलिवूडमध्ये आपलं स्थान निर्माण केलंय. आता त्याच्याकडे चांगल्या सिनेमांच्या ऑफर्स आहेत. कार्तिक बॉलिवूडमध्ये स्वतःची ओळख स्वतःच्या हिमतीवर बनवली आहे. त्याचा इंडस्ट्रीत कुणीही गॉडफादर नाही. त्यामुळे त्याला सुरूवातीच्या काळात खूप स्ट्रगल करावा लागला होता. त्याने त्याच्या पहिल्या ऑडिशनची आठवण सांगताना सांगितले की त्याला ऑडिशन न घेता बाहेरचा रस्ता दाखवण्यात आला होता.
एका मुलाखतीत कार्तिकनं त्याच्या करियरच्या स्ट्रगलच्या काळातील आठवणी सांगताना म्हणाला की, एका डिओडरंटच्या जाहिरातीसाठी मी ऑडिशन द्यायला गेलो होतो. ती माझी पहिलीच ऑडिशन होती आणि मला बाहेरूनच नकार दिला होता.
या शिवाय तो लव आज कल चित्रपटाच्या सीक्वलमध्ये देखील मुख्य भूमिकेत दिसणार आहे. या चित्रपटात त्याच्यासोबत अभिनेत्री सारा अली खान काम करताना दिसणार आहे.