First Motion Poster Out : कंगना राणौतच्या ‘सिमरन’ची पहा पहिली झलक!

‘क्वीन’, ‘तन्नू वेड्स मन्नू रिटर्न’ या चित्रपटांमधून दमदार अभिनय करणारी अभिनेत्री कंगणा राणौत ‘सिमरन’ या चित्रपटातून प्रेक्षकांच्या भेटीला येणार आहे. आज या चित्रपटाचे पोस्टर रिलीज करण्यात आले असून, चित्रपटाचा टीझर उद्या म्हणजेच १५ मे रोजी लॉँच केला जाणार आहे. पोस्टरमध्ये कंगनाचा चेहरा जरी दिसत नसला तरी, ती यामध्ये दमदार भूमिका असेल यात शंका नाही. त्यामुळे चित्रपटातील कंगनाच्या भूमिकेची उत्सुकता आता शिगेला पोहोचली आहे. गेल्या वर्षभरापासून बॉलिवूडमध्ये कंगनाच्या ‘सिमरन’ या चित्रपटाची चर्चा रंगत आहे. १५ सप्टेंबर रोजी रिलीज होणाºया या चित्रपटात कंगना कशा अंदाजात दिसेल याविषयी तर्कवितर्क लावले जात होते. त्यामुळे कंगनाच्या फॅन्सना आता या चित्रपटाच्या टीझरची प्रतीक्षा आहे. दिग्दर्शक हंसल मेहता यांनी या चित्रपटाला एक उंची प्राप्त करून दिली असून, भूषण कुमार आणि शैलेश सिंग यांनी चित्रपटाची निर्मिती केली आहे. चित्रपट समीक्षक तरण आदर्श यांनी ट्विटरवर ‘सिमरन’ चित्रपटाचे एक पोस्टर ट्विट केले आहे. या पोस्टरमध्ये पाठमोरी उभी असलेली कंगना आपल्याला पहायला मिळते. त्यामुळे चित्रपटाची कथा आणि कंगनाचा या चित्रपटातील लूक कसा असेल, याविषयी कमालीची उत्सुकता प्रेक्षकांमध्ये निर्माण झाली आहे. आपल्या दमदार अभिनयाने प्रेक्षकांच्या मनाचा ठाव घेणाºया कंगनाने या चित्रपटासाठी देश-विदेशात काही कार्यशाळांमध्ये सहभाग घेतला होता.‘सिमरन’ या एका महत्त्वाकांक्षी मुलीभोवती चित्रपटाची कथा फिरणार आहे. अनिवासी भारतीय गुजराथी मुलीच्या भूमिकेत ती दिसणार आहे. चित्रपटाचे चित्रीकरण अटलांटा येथे झाले आहे. यामध्ये तिच्यासोबत सोहम शाह मुख्य अभिनेत्याच्या भूमिकेत दिसणार आहे. कंगना यापूर्वी ‘रंगून’ या चित्रपटात दिसली होती. तिचा हा चित्रपट बॉक्स आॅफिसवर अपयशी ठरला होता. त्यामुळे आगामी ‘सिमरन’ या चित्रपटाकडून तिला मोठ्या अपेक्षा असतील. शिवाय तिच्या फॅन्सलाही तिला एखाद्या दमदार भूमिकेत बघायला आवडेल.