सनी देओलच्या गदर २ ची बॉक्स ऑफिसवर सर्व रेकॉर्ड मोडत आहे. सिनेमाला प्रेक्षकांचा उदंड प्रतिसाद मिळतोय. सनी देओल आणि अमिषाच्या जोडीचा २००१ साली प्रदर्शित झालेल्या गदर चित्रपटाचा हा सीक्वेल आहे. तब्बल २२ वर्षांनी या सुपरहिट जोडीला पुन्हा एकदा रुपेरी पडद्यावर पाहायला मिळालं. 'गदर 2' च्या कलेक्शनबद्दल बोलायचे झाले तर या चित्रपटाने आठव्या दिवशी बॉक्स ऑफिसवर 19.5 कोटींची कमाई केली आहे. यासोबतच चित्रपटाने 300 कोटींचा टप्पा पार केला आहे. दरम्यान, चित्रपटातील सकिना म्हणजेच अमिषा पटेलने एका मुलाखतीदरम्यान हैराम करणारा खुलासा केला आहे.
एका मुलाखतीत, जेव्हा अमिषा पटेलला विचारले गेले की तिला या चित्रपटात कोणते बदल करायचे आहेत, तेव्हा तिने उत्तर दिले, "खरंतर काहीही नाही, परंतु जर मी एडिटर असते तर मी काही गोष्टी पुन्हा एडिट केल्या असत्या आणि सिनेमा काही चांगला बनवला असता.
'गदर 2' च्या यशाबद्दल तिच्या प्रतिक्रियेबद्दल विचारले असता, अभिनेत्री म्हणाली, "चित्रपटाला प्रेक्षकांकडून भरभरून प्रेम मिळत आहे हे पाहून खूप आनंद झाला. इतिहासाची पुनरावृत्ती होत आहे असे वाटते. प्रेक्षकांना तारा आणि सकिना आवडतात आणि आम्हाला माहित आहे. 22 वर्षांनंतर त्यांना एकत्र पाहून प्रेक्षकांना खूप आनंद झाला आहे.”
अनिल शर्मा दिग्दर्शित 'गदर 2' मध्ये सनी देओल, अमिषा पटेल, उत्कर्ष शर्मा आणि मनीष वाधवा यांच्यासह सिमरत कौर, गौरव चोप्रा आणि लव सिन्हा सहाय्यक भूमिकेत आहेत. या चित्रपटाने बॉक्स ऑफिसवर 304.13 कोटींचा आकडा पार केला आहे.