गौरीच्या चित्रपटात एसआरके नसणार ‘अतिथी’

किंगखान शाहरूख आणि क्यूट गर्ल आलिया भट्ट दोघेही स्क्रीन शेअर करणार असल्याचे तुम्ही ऐकले असेलच करण जोहर निर्मित आणि गौरी शिंदे दिग्दर्शित चित्रपटात शाहरूख-आलिया एकत्र दिसणार आहेत. या चित्रपटात किंग खान केवळ पाहुणा कलाकार cameo appearance) म्हणून दिसणार असल्याची चर्चा होती. मात्र ही चर्चा अफवा होती, असेच आता म्हणावे लागेल. कारण खुद्द आलियानेच याबाबत असे काहीही नसल्याचे स्पष्ट केले आहे. गौरीच्या चित्रपटात शाहरूखची फूल फ्लेज भूमिका आहे, असे आलियाने सांगितले. विशेष गौरीच्या या चित्रपटात शाहरूख एका वेगळ्या लूकमध्ये पाहायला मिळणार असल्याचेही तिने सांगितले. या चित्रपटाचे नाव अद्याप ठरले नसले तरी आता शाहरूख म्हटल्यावर त्याच्या चाहत्यांची प्रतीक्षा ठरलेलीचं...हो ना???