Gehraiyaan Public Review : दीपिका पादुकोण (Deepika Padukone), सिद्धांत चतुर्वेदी, अनन्या पांडे आणि धैर्य कारवा यांच्या मुख्य भूमिका असलेला ‘गहराइयां’ (Gehraiyaan) हा सिनेमा प्राईम व्हिडीओवर रिलीज झालोय. नात्यांची गुंतागुंत दाखवणाऱ्या या चित्रपटाची जोरदार चर्चा होती. हा चित्रपट कसा आहे तर समीक्षकांनी यावर संमिश्र प्रतिक्रिया दिल्या आहेत. पण एक गोष्ट कॉमन आहे, ती म्हणजे, सर्वांनी दीपिका पादुकोणच्या अभिनयाचं अगदी भरभरून कौतुक केलं आहे. पब्लिक रिअ‍ॅक्शनही तीच आहे. दीपिकाची अ‍ॅक्टिंग पाहून फॅन्स क्रेझी झाले आहेत. दीपिकाने चित्रपटात जबदस्त अभिनय केल्याच्या प्रतिक्रिया सोशल मीडियावर उमटत आहेत.
‘मी गहराइयां पाहिला आणि ओएमजी... दीपिकाने पुन्हा एकदा ती बेस्ट अ‍ॅक्ट्रेस असल्याचं सिद्ध केलं आहे,’ अशी कमेंट एका चाहत्याने दिली आहे.
‘दीपिकाने तिच्यातील बेस्ट दिलंय. सगळे अवार्ड तिलाच मिळायला हवेत. ती डिझर्व्ह करते,’ अशा शब्दांत एका चाहत्याने दीपिकाचं कौतुक केलं आहे.
दीपिका ही या सिनेमाची स्टार आहे. मी तिला 10 पैकी 10 मार्क्स देईल. तिच्यासारखा अभिनय दुसरी कुणीच अभिनेत्री करू शकली नसती, अशा शब्दांत एका चाहत्याने दीपिकाला दाद दिली आहे.
या चित्रपटात दीपिकाने अलिशाची भूमिका साकारली आहे. तिच्यासोबत अनन्या पांडे आणि सिद्धांत चतुर्वेदी लीड रोलमध्ये आहेत. याशिवाय धैर्य कारवा, नसीरूद्दीन शाह, रजत कपूर हेही महत्त्वाच्या भूमिकेत आहेत. दीपिका व सिद्धार्थने या चित्रपटात अनेक बोल्ड लव्ह मेकिंग सीन्स दिले आहेत.
दीपिका पादुकोण आणि सिद्धांत चतुर्वेदी यांचा एकत्र असा हा पहिला सिनेमा आहे. सिद्धांतने याआधी दीपिकाचा पती आणि बॉलिवूड स्टार रणवीर सिंगसोबत स्क्रीन शेअर केली आहे. सिद्धांतने रणवीर सिंगसोबत ‘गली बॉय’ या चित्रपटात काम केलं होतं.