प्रीती झिंटाला चाहत्याने दिले गिफ्ट; बदल्यात तिने दिला फ्लाइंग किस, पाहा व्हिडीओ!

प्रीती झिंटा सध्या आयपीएलमुळे चांगलीच चर्चेत आहे. सध्या तिचा एक व्हिडीओ व्हायरल होत असून, त्यामध्ये एक चाहता तिला गिफ्ट देताना दिसत आहे.

आयपीएल सुरू होताच बॉलिवूड अभिनेत्री आणि पंजाब किंग्स इलेव्हनची को-ओनर प्रीती झिंटा चांगलीच लाइमलाइटमध्ये येते. वास्तविक आयपीएलच्या ११ व्या सीजनमध्ये देखील तिचा संघ प्ले आॅफमध्ये पोहोचू शकला नाही; परंतु तिची फॅन फॉलोइंग इतकी वाढली की, चाहते तिची एक झलक बघण्यासाठी काहीही करण्यास तयार आहेत. असाच काहीसा प्रत्यय मैदानात बघावयास मिळाला. एक चाहता गर्दीमधून वाट शोधत प्रीतीसाठी चक्क एक गिफ्ट घेऊन आला. ग्राउंडमधून ड्रेसिंग रूमकडे जात असलेल्या प्रीतीच्या दिशेने तो धावत गेला. त्याने रिक्वेस्ट करीत प्रीतीला तारांच्या जाळीवरून एक गिफ्ट दिले. चाहत्यांचे ते गिफ्ट बघून प्रीती काहीशी घाबरली. तिने सुरुवातीला ते घेण्यास नकार दिला. मात्र त्याने केलेली विनवणी बघून तिने ते गिफ्ट स्वीकारले. तसेच चाहत्याला रिर्टन गिफ्ट म्हणून फ्लाइंग किस देताना त्याला थॅँक्यू म्हटले. यावेळी आजूबाजूला उपस्थित असलेल्या लोकांनाही चाहत्यांचा हा अंदाज चांगलाच भावला. दरम्यान, आयपीएल सुरू होण्याअगोदर प्रीती स्टेडियममध्ये आपल्या चाहत्यांना पंजाब किंग्स इलेव्हनचे टी-शर्ट वाटताना बघावयास मिळाली होती. लोकांमध्येही प्रीतीबद्दल आदर असून, ते तिचा सन्मान करताना बघावयास मिळाले आहेत.  ">http://दरम्यान, जेव्हा जेव्हा आयपीएल सुरू होतो, तेव्हा तेव्हा प्रीतीचे बरेचसे व्हिडीओ सोशल मीडियावर व्हायरल होत असतात. सध्या प्रीती बॉलिवूडपटापासून लांब आहे. तिने चित्रपट न करण्याचा निर्णय घेतला आहे. २००० सालानंतर आलेल्या चित्रपटांमध्ये प्रीती झिंटाबद्दल लोकांमध्ये प्रचंड क्रेझ होती. प्रीतीने बॉलिवूडमधील अनेक बड्या स्टार्ससोबत काम केले आहे.