Golmaal Again song Out : ​‘गोलमाल अगेन’ची टीम का म्हणतेय,‘हम नहीं सुधरेंगे’?

रोहित शेट्टीच्या ‘गोलमाल अगेन’ या आगामी चित्रपटाचे नवे गाणे आज रिलीज झाले. ‘हम नहीं सुधरेंगे’ असे बोल असलेल्या या गाण्यात ‘गोलमाल अगेन’ची संपूर्ण स्टारकास्ट दिसतेय. अजय देगवण, परिणीती चोप्रा, अर्शद वारसी, तुषार कपूर, श्रेयस तळपदे, कुणाल खेमू आणि तब्बू असे सगळे यात आहेत.अरमान मलिकने या गाण्याला आपला आवाज दिलाय. अमान मलिकचे संगीत आहे. गाण्यात अनेक नव-नवे व सुंदर लोकेशन्स पाहायला मिळत आहेत. यापूर्वी ‘गोलमाल अगेन’ची दोन गाणी आपण ऐकलीत. एक टायटल ट्रॅक  आणि दुसरे ‘नींद चुराई मेरी’. हे दो्न्ही गाणी लोकांनी प्रचंड डोक्यावर घेतली. आज रिलीज झालेल्या या तिसºया गाण्यालाही चांगला रिस्पॉन्स मिळत आहे.काही दिवसांपूर्वी ‘गोलमाल अगेन’चा ट्रेलर आऊट झालाय. केवळ २४ तासांत दोन कोटी लोकांनी हा ट्रेलर बघितला होता. हा एक रेकॉर्ड असल्याचा दावा ‘गोलमाल अगेन’च्या टीमने केला आहे. तूर्तास तरी ‘गोलमाल’ एक की-वर्ड बनला आहे. अभिनेत्री तब्बू या चित्रपटात कॉमेडी करताना दिसणार आहे. होय,  ‘गोलमाल अगेन’मध्ये करिना कपूरच्या जागी तब्बूची वर्णी लागली आहे. सोबत अर्शद वारसी, तुषार कपूर, कुणाल खेमू , परिणीती चोप्रा अशा सगळ्यांची साथ आहेच. अजय देवगण यात आपल्या जुन्या स्टाईलमध्ये दिसणार आहे.  अजय दोन गाड्यांवर उभा आहे आणि बरोबर संतुलन साधतोय, असे एक दृश्य यात दिसणार आहे. म्हणजेच यात अजय पुन्हा एकदा जबरदस्त अ‍ॅक्शन व स्टंट करताना दिसेल.  गोलमाल सीरीजमधला पहिला चित्रपट गोलमाल २००६मध्ये आला होता.  त्यानंतर प्रत्येकी दोन वर्षांच्या अंतराने ‘गोलमाल रिटर्न्स’ आणि ‘गोलमाल 3’ आला होता. त्यानंतर तब्बल सात वर्षांनंतर रोहित शेट्टी ‘गोलमाल अगेन’ हा चित्रपट घेऊन येतो आहे.  येत्या आक्टोबरमध्ये हा चित्रपट प्रेक्षकांच्या भेटिला येणार असल्याचे समजतेय. तोपर्यंत आज रिलीज झालेले हे गाणे बघा आणि कसे वाटले ते आम्हाला कळवा.ALSO READ : Golmaal Again title track: ​ २६ वर्षे जुन्या स्टाईलमध्ये दिसला अजय देवगण!