श्रेया घोषालने ती आई झाल्याची गोड बातमी सोशल मीडियावर शेअर केली आहे. आज तिच्या घरी पुत्ररत्न जन्मले आहे. ही बातमी तिने सोशल मीडिया इंस्टाग्रामवर आपल्या चाहत्यांना सांगितली आहे. तिच्या पोस्टवर शुभेच्छांचा वर्षाव होतो आहे.
श्रेया घोषालने सोशल मीडिया इंस्टाग्रामवर पोस्ट शेअर करत सांगितले की, आज दुपारी देवाच्या कृपेने आमच्या घरी पुत्र रत्न जन्मले आहे. ही खूप इमोशनल भावना आहे जी यापूर्वी कधीच अनुभवली नव्हती. शैलादित्य आणि आमचे संपूर्ण कुटुंब खूप आनंदी आहे. तुम्ही दिलेले प्रेम आणि आशीर्वादासाठी तुमचे खूप आभारी आहे.
श्रेयाने २००२ मध्ये संजय लीला भन्साळी यांच्या 'देवदास' चित्रपटातून पार्श्वगायनाच्या करिअरची सुरुवात केली होती. या चित्रपटात तिने 'सिलसिला ये चाहत का', 'बॅरी पिया', 'छलक छलक', 'मोरे पिया' आणि 'डोला रे डोला' अशी पाच गाणी गायली. यानंतर, तिने कधीच मागे वळून पाहिले नाही.