बॉलिवूडचा हिरो नंबर वन अभिनेता गोविंदा सध्या सिनेइंडस्ट्रीपासून भलेही दूर आहे पण सोशल मीडियावर खूप एक्टिव्ह आहे आणि चाहत्यांना एण्टरटेन करण्यासाठी प्रयत्न करत आहेत. गोविंदा अभिनयासोबत डान्स आणि कॉमेडीसाठी प्रसिद्ध आहे. संपूर्ण जगात खूप चाहते आहेत जे त्याच्या पोस्टची उत्सुकतेने वाट पाहत आहेत. गोविंदाने यादरम्यान डान्सचा व्हिडीओ शेअर केला आहे. या व्हिडीओत तो लेक नर्मदा आहुजासोबत डान्स करताना दिसतो आहे.
सध्या रूपेरी पडद्यापासून दूर असलेल्या गोविंदाने त्याच्या मुलीसोबत डान्स करताना एक व्हिडीओ शेअर केला आहे. त्याच्या मुलीचे नाव टिना आहुजा असे आहे. बाप-लेकीचा हा व्हिडीओ सध्या तुफान व्हायरल होतो आहे.
गोविंदाने १९८०च्या दशकात एक्शन आणि डान्सिंग हिरोच्या रुपात करिअरची सुरूवात केली. ९०च्या दशकात तो विनोदी अभिनेता म्हणून नावारुपास आला.