टीव्ही अभिनेत्री हिना खान लवकरच बॉलिवूडमध्ये डेब्यू करतेय. साहजिकच हिना चर्चेत आहेत. आता तर ती एका वेगळ्याच कारणाने चर्चेत आली आहे. होय, काही तासांपूर्वी हिनाने स्वत:चे बोल्ड आणि ग्लॅमरस फोटो सोशल मीडियावर शेअर केलेत. हे फोटो सध्या वेगाने व्हायरल होत आहेत. या फोटोंमध्ये हिना ब्लॅक नाइटीमध्ये ग्लॅमरस पोज देताना दिसतेय.
'Throw me to the wolves and I will come back leading the pack #Mood'असे तिने हे बोल्ड फोटो शेअर करताना लिहिले आहे.
‘कसौटी जिंदगी की’ या लोकप्रिय मालिकेच्या दुस-या सीझनमध्ये हिना कोमोलिकाची भूमिका साकारताना दिसली होती. हिना कोमोलिका बनून पडद्यावर आली आणि पहिल्याच एपिसोडमध्ये तिने स्वत:ची छाप सोडली. जुन्या कोमोलिकाला विसरून प्रेक्षक नव्या कोमोलिकाच्या प्रेमात पडले. पण काहीच महिन्यानंतर हिना ‘कसौटी जिंदगी के 2’ सोडणार अशी बातमी आली आणि प्रेक्षकांची निराशा झाली. ही बातमी खरी ठरली आणि हिना ‘कसौटी जिंदगी के 2’मधून गायब झाली. कशासाठी तर चित्रपटासाठी. होय, हिना बॉलिवूडमध्ये डेब्यू करण्यासाठी सज्ज झाली आहे. ती लवकरच विक्रम भटच्या सिनेमात झळकणार आहे. यात ती एक फॅशन डिझायनरची भूमिका साकारणार आहे.