Bhool Bhulaiyaa 3: २००७ साली अक्षय कुमारची मुख्य भूमिका असलेला ‘भूल भुलैय्या’ हा सिनेमा आला आणि तुफान गाजला. या चित्रपटाला नेटकऱ्यांनी अक्षरश: डोक्यावर घेतला. परंतु, या सिनेमाच्या सीक्वलसाठी प्रेक्षकांना बरीच वाट पाहावी लागली. तब्बल १४ वर्षांनी ‘भूल भुलैय्या २’ रिलीज झाला. या सिनेमात कार्तिक आर्यनने (Kartik Aaryan ) मुख्य भूमिका साकारली होती. विशेष म्हणजे हा सिनेमाही तितकाच हीट झाला. लोकांची ही उत्सुकता पाहता आता सिनेमाच्या मेकर्सने ‘भूल भुलैय्या ३’ची ( Bhool Bhulaiyaa 3) रिलीज डेट जाहीर केली आहे.
अनीस बज्मी (Anees Bazmee) दिग्दर्शित या सिनेमाची निर्मिती टी सीरिजने केली असून Bhool Bhulaiyaa 3मध्ये पुन्हा एकदा कार्तिक आर्यन मुख्य भूमिकेत पाहायला मिळणार आहे. हा चित्रपट दिवाळी 2024 मध्ये प्रदर्शित होणार आहे. त्यामुळे आता प्रेक्षकांची उत्सुकता शिगेला पोहोचली आहे.
दरम्यान, गेल्या वर्षी मे २०२२ ला भूल भुलैया 2' प्रदर्शित झाला होता. या सिनेमात कार्तिकने केलेल्या अभिनयाचं सर्वस्तरावर कौतुक झालं. इतकंच नाही तर त्याच्या लोकप्रियतेतही झपाट्याने वाढ झाली. भूल भुलैया 2' ने १८५ कोटी रुपयांचा गल्ला जमा केला होता. त्यामुळे भूल भुलैया 3' मध्ये काय नवीन पाहायला मिळणार आणि त्याची कमाई किती होणार याकडे साऱ्यांचं लक्ष लागलं आहे.