बॉलिवूड अभिनेत्री दिशा पटानी नवीन वर्षात म्हणजे २०२०ची सुरूवात मोठ्या प्रोजेक्ट्सने करणार आहे. राधे चित्रपटात ती सलमान खानसोबत मुख्य भूमिकेत दिसणार आहे. चित्रपटांव्यतिरिक्त दिशा इंस्टाग्रामवरील बोल्ड फोटोंमुळे ट्रेडिंगमध्ये असते. ती वेगवेगळे बोल्ड फोटो शेअर करत असते.
दिशा पटानीने नुकतेच फोटोशूटमधील फोटो शेअर केले आहेत. तिने हे फोटोशूट लिंजरीसाठी केलं होतं. या फोटोत दिशाचा बोल्ड लूक समोर आला. ज्यात ती खूप सुंदर व फिट दिसते आहे.
दिशाचे टायगर श्रॉफसह नाव जोडले जाते. मात्र यावर दोघेही बोलणे पसंत करत नाही. अनेक मुलाखतीमध्ये टायगर यावर स्पष्टीकरण देत सांगतो की, ''आम्ही केवळ चांगले मित्र आहोत'', हे दोघांचेही ठरलेले वाक्य. एका ताज्या मुलाखतीत दिशाला नेमका हाच प्रश्न विचारण्यात आला. ‘तुम्ही दोघंही तुमचं नातं स्वीकारत का नाही’, असा थेट प्रश्न दिशासमोर ठेवला गेला. या प्रश्नाने दिशा थोडी अवघडली. पण अशा प्रश्नांना चतुराईने टाळायचे अंगी असलेले कसब तिने यावेळीही दाखवले.