Hrithik Roshan-John Abraham Childhood Photo: : हृतिक रोशनच्या बालपणीचा एक फोटो सोशल मीडियावर व्हायरल होत आहे, ज्यामध्ये तो त्याच्या संपूर्ण वर्गासोबत क्लास फोटोमध्ये पोझ देताना दिसत आहे. व्हायरल होत असलेल्या फोटोमध्ये तिसऱ्या रांगेत तुम्हाला जो तिसरा चेहरा दिसत आहे तो तुमचा आवडता स्टार हृतिक रोशन आहे. या फोटोमध्ये हृतिक रोशनसोबत जॉन अब्राहम देखील दिसत आहे. जॉन अब्राहम (John Abraham)आणि हृतिक रोशन (Hrithik Roshan) हे एकमेकांचे वर्गमित्र आहेत हे फार कमी लोकांना माहीत आहे.
हृतिक रोशन आणि जॉन आहेत वर्गमित्रया व्हायरल फोटोमध्ये तुम्हाला जॉन अब्राहमचा चेहरा ओळखता येत नसेल, तर आम्ही तुम्हाला सांगतो की दुसऱ्या रांगेत डाव्या बाजूला दिसणारा पहिला मुलगा दुसरा कोणी नसून जॉन अब्राहम आहे. हृतिक रोशन आणि जॉन अब्राहम यांचे शालेय शिक्षण बॉम्बे स्कॉटिश स्कूलमधून झाले. या स्टार्सचे बालपणीचे फोटो पाहिल्यानंतर चाहत्यांना त्यांना मोठ्या मुश्किलीने ओळखता आले आहे. एकाच वर्गासाठी दोन चेहरे बॉलिवूड इंडस्ट्रीत आपला डंका वाजवताना दिसणार हे कुणाला माहिती होते.
सध्या हृतिक रोशन त्याची गर्लफ्रेंड सबा आझादसोबतच्या रोमँटिक फोटोंमुळे चर्चेत आहे. तर दुसरीकडे जॉन अब्राहम त्याच्या ब्लॉकबस्टर चित्रपट पठाणमुळे चर्चेत आहे. जॉन अब्राहमने शाहरुख खानच्या पठाणमध्ये रॉ ऑफिसर जिमची भूमिकेत आहे. जॉन अब्राहमची ही व्यक्तिरेखा प्रेक्षकांना खूप आवडली असून शाहरुखसोबतच जॉन अब्राहमचीही सर्वत्र चर्चा होत आहे.