सुपरस्टार हृतिक रोशन (Hrithik Roshan)सध्या त्याच्या वैयक्तिक आयुष्यामुळे चर्चेत आहे. हृतिकच्या डेटींगच्या बातम्या गेल्या काही दिवसांपासून चर्चेत आहेत. तो अनेकवेळा अभिनेत्री सबा आझाद (Saba Azad)सोबत स्पॉट झाला आहे. त्यानंतर त्यांच्या नात्याबद्दल चर्चा सुरु झाली... दोघेही अनेकदा एकत्र वेळ घालवताना दिसतात. कधी ती डिनर डेटवर जाते तर कधी सबा हृतिकच्या कुटुंबासोबत टाईम स्पेंट करताना दिसते. मात्र, आतापर्यंत दोघांनीही त्यांच्या नात्याबाबत मौन बाळगले आहे. दरम्यान, पहिल्यांदाच हृतिकने सोशल मीडियावर सबाची पोस्ट शेअर केली आहे. तेव्हापासून पुन्हा एकदा त्यांच्या नात्याच्या चर्चा सुरु झाल्यात.
हृतिक रोशनने त्याच्या इंस्टाग्राम स्टोरीवर एक फोटो शेअर केला आहे. ज्यामध्ये सबा आझादसोबत नसीरुद्दीन शाह यांचा मुलगा इमाद शाह दिसत आहे. ही पोस्ट त्यांच्या इलेक्ट्रो-फंक मॅडबॉय/मिंक बँडची आहे. हा शो शुक्रवारी पुण्यात झाला. इन्स्टावर स्टोरी शेअर करताना - 'Kill it you guys'. असं लिहिले आहे.
ट्विटरवरुन सुरू झाले बोलणेसुरुवातीला दोघांची भेट कोणत्यातरी डेटिंग अॅपच्या माध्यमातून झाली असावी, असा अंदाज बांधला जात होता. पण, एका रिपोर्टनुसार, दोघांची ओळख ट्विटरवरून सुरू झाली आहे. हृतिकने सबा आणि इतर काही रॅपर्सचा व्हिडिओ लाइक केला होता, त्यावर सबाने हृतिकला 'धन्यवाद' म्हटले होते. त्यानंतर दोघांचे एकमेकांशी बोलणे सुरू झाले आणि ओळख वाढत गेली.
सबा आझाद शेवटची सोनी लिव्ह वेब सीरिज रॉकेट बॉईजमध्ये दिसली होती. या शोमध्ये ती परवाना इराणीच्या भूमिकेत दिसली होती. या मालिकेत जिम सरभ आणि इश्वाक सिंग महत्त्वाच्या भूमिकेत दिसले होते. दुसरीकडे, हृतिक रोशन त्याच्या आगामी 'विक्रम वेधा' या चित्रपटामुळे चर्चेत आहे. या चित्रपटातील त्याचा लूक यापूर्वीच समोर आला आहे. याशिवाय हृतिक दीपिका पादुकोणसोबत फायटरमध्ये दिसणार आहे.