चाहत्याने हृतिक रोशनला अशा अंदाजात दिल्या वाढदिवसाच्या शुभेच्छा, व्हिडीओ व्हायरल!

बॉलिवूड स्टार हृतिक रोशन आज त्याचा वाढदिवस साजरा करीत असून, एका चाहत्याने अतिशय हटके अंदाजात त्याला शुभेच्छा दिल्या आहेत. त्याचा एक व्हिडीओ सध्या व्हायरल झाला आहे.

अभिनेता हृतिक रोशन आज त्याचा वाढदिवस साजरा करीत आहे. अशात त्याच्या एका चाहत्याने ट्विटरवर एक विशेष व्हिडीओ अपलोड करून त्याला शुभेच्छा दिल्या आहेत. हृतिकच्या या चाहत्याने तयार केलेला हा व्हिडीओ सध्या इंटरनेटवर चांगलाच व्हायरल होत आहे. या व्हिडीओमध्ये हृतिकच्या सुपरहिट चित्रपटांची झलक बघावयास मिळत आहे. त्याचबरोबर ज्या पद्धतीने हृतिक नावाचं वादळ बॉलिवूडमध्ये घोंगावत आहे, त्यावरून तो चाहत्यांच्या प्रेमास पात्र आहे, हे दाखवून देतो. या व्हिडीओच्या माध्यमातून या चाहत्याने हृतिकबद्दल एक वेगळाच दृष्टिकोन दाखवून दिला आहे. हृतिक रोशन एकमेव असा अभिनेता आहे, ज्याने बॉलिवूडचे महानायक अमिताभ बच्चन यांची यशस्वीरीत्या नव्याने भूमिका साकारली. विजय दीनानाथ चौहान ही भूमिका ज्या खूबीने महानायकांनी साकारली, काहीशा तशाच अंदाजात हृतिकनेही त्यास न्याय देण्याचा प्रयत्न केला आहे. विशेष म्हणजे तो त्यात यशस्वीही झाला आहे. हृतिकच्या या भूमिकेची झलक व्हिडीओच्या सुरुवातीलाच दाखविण्यात आली आहे. त्याचबरोबर त्याच्या चित्रपटांनी बॉक्स आॅफिसवर केलेल्या कमाईचा आलेखही व्हिडीओच्या माध्यमातून दाखविण्यात आला आहे. त्यावरून हृतिक एकमेव असा अभिनेता आहे, जो मेगास्टार खानला टक्कर देण्याचे धाडस ठेवतो, असे या व्हिडीओमधून सांगण्याचा प्रयत्न केला आहे.  

}}}} ">VIDEO: Check out how @iHrithik's fan celebrated his birthday in a special way. The video celebrates the star by highlighting some interesting facts.#HrithikRoshan#HappyBirthdayHrithikRoshan#Koimoipic.twitter.com/W9OpfXFvk5— Koimoi.com (@Koimoi) January 10, 2018

२०११ ते २०१७ या काळात हृतिकने बॉक्स आॅफिसवर यशाची शिखरे गाठली. त्याच्या सहा चित्रपटांनी १११.१७ कोटी रुपयांच्या सरासरीने बॉक्स आॅफिसवर ६६७.०३ कोटींची कमाई केली. आपल्या दमदार लूक आणि डान्सिंग स्टाइलमुळे हृतिकने तरुणांमध्ये एक वेगळेच स्थान निर्माण केले आहे. बॉलिवूडचा एकमेव सुपरहीरो म्हणूनही त्याच्याकडे बघितले जाते. विविध प्रकारच्या भूमिका साकारण्यात हृतिकचा हातखंडा आहे. मग क्रिशमधील त्याचा अभिनय असो वा काबिलमध्ये अंधाची साकारलेली भूमिका असो.