‘बाहुबली’ प्रभाससाठी ‘हसीना’ श्रद्धा कपूरने शोधले ‘हे’ नाव!!

यावर्षी ‘बाहुबली’चा बोलबाला सर्वत्र आहे. कारण आजही प्रेक्षक बाहुबली प्रभासविषयीची माहिती जाणून घेण्यात उत्सुक आहेत. ‘बाहुबली’ या चित्रपटामुळे प्रभासला रातोरात स्टारडम मिळाले. शिवाय त्याला इंडस्ट्रीत एक उंचीही मिळवून दिली. टॉलीवूडच नव्हे तर बॉलिवूडमध्येही प्रभास प्रत्येक निर्मात्यांचा फेव्हरेट बनला आहे. त्याच्या अभिनयाचे गोडवे गातांना सध्या कोणीही थकत नाही. उलट त्याच्याविषयी चर्चा करायला लोकांना आवडत आहे. आता या यादीत अभिनेत्री श्रद्धा कपूर हिचेही नाव जोडले गेले आहे. श्रद्धाने नुकतेच ट्विटरवर तिच्या आगामी ‘हसीना पारकर’ या चित्रपटाच्या प्रमोशनसाठी चॅट सेशन ठेवले होते. ज्यामध्ये एका फॅन्सने तिला प्रभासविषयी एक प्रश्न विचारला. फॅन्सने हसीना श्रद्धाला विचारले, तू प्रभासला एका शब्दात कसे डिफाइन करणार? याचे उत्तर देताना श्रद्धाने म्हटले की, ‘न्यू ब्लॉकबस्टर किंग’.प्रभास साउथमध्ये एक यशस्वी कलाकार आहे. आता तर बॉलिवूडमध्येही यशस्वी कलाकार होताना दिसत आहे. काही दिवसांपासून तर सातत्याने बातम्या येत आहेत की, तो लवकरच बॉलिवूडमध्ये डेब्यू करणार आहे. मात्र अद्यापपर्यंत याविषयीची अधिकृत बातमी समोर आली नाही. सध्या प्रभास त्याच्या आगामी ‘साहो’ या चित्रपटाच्या शूटिंगमध्ये व्यस्त आहे. चित्रपटात नील नितीन मुकेश हा खलनायकाच्या भूमिकेत असून, तो प्रभाससोबत दोन हात करताना दिसणार आहे. चित्रपटाचे बजेट १५० कोटी रुपयांपेक्षा अधिक असून, अ‍ॅक्शनने भरपूर असा हा चित्रपट असेल. त्यातील लोकेशन मनात धडकी भरविणारे असतील. या चित्रपटाचा टिजर ‘बाहुबली-२’च्या रिलीजवेळीच रिलीज करण्यात आला होता. 

}}}} ">New blockbuster king #AskHaseenahttps://t.co/jze5kzAj1T— Shraddha (@ShraddhaKapoor) July 20, 2017

श्रद्धाविषयी सांगायचे झाल्यास, ती आगामी ‘हसीना पारकर’ या चित्रपटात डॅशिंग भूमिका साकारताना बघावयास मिळणार आहे. आतापर्यंत रोमॅण्टिक चित्रपटांमध्ये काम करणारी श्रद्धा चक्क अंडरवर्ल्ड डॉन दाउद इब्राहिमची बहीण हसीना पारकर हिला पडद्यावर साकारणार असल्याने चाहत्यांमध्ये प्रचंड उत्सुकता आहे. सध्या श्रद्धा या चित्रपटाच्या प्रमोशनमध्ये व्यस्त आहे.