सुशांत सिंग राजपूतचा हा टॉवेलवरील अवतार बघाल तर दंग व्हाल!!

या अगोदर तुम्ही टॉवेल घातलेल्या अभिनेत्यांना बघितले असेल, परंतु जर टॉवेलच शरीरावर नसेल तर काय होऊ शकते, याचा नमुना अभिनेता सुशांत सिंग राजपुत याने दाखवून दिला आहे. खरं तर आतापर्यंत ज्या-ज्या अभिनेत्यांनी टॉवेलवर फोटोशूट केले, त्या अभिनेत्यांना रातोरात प्रसिद्धी मिळाली. त्यामुळे आजही टॉवेलवर फोटोशूट करण्यास स्टारमंडळी उत्सुक असतात. अभिनेता रणबीर कपूर याचा ‘सावरियां’ या चित्रपटातील टॉवेल शूट आजही प्रेक्षकांच्या स्मरणात आहे. आमिर खानने तर ‘पिके’मध्ये एका टेपरेकॉर्डरच्या साहाय्याने स्वत:ला झाकण्याचा प्रयत्न केला होता. असो, आता या रांगेत आणखी एका अभिनेत्याचे नाव जोडले गेले आहे. ज्याने टॉवेलवर फोटोशूट केले आहे. आम्ही सुशांत सिंग राजपूत याच्याविषयी बोलत आहोत. सुशांतने टॉवेलवर असा काही फोटो शेअर केला आहे, जे बघून हॉटनेसची जणू काही त्याने परिभाषाच बदलली आहे. सूत्रांनी दिलेल्या माहितीनुसार, सुशांत त्याच्या आगामी चित्रपटात अशाप्रकारचा टॉवेल शूट करू शकतो. दरम्यान, सुशांतचा हा टॉवेल फोटो मीडियात व्हायरल होताच त्याला लाखोंच्या संख्येने लाइक्स मिळत आहेत. छोटा पडदा ते मोठा पडदा असा यशस्वी प्रवास केलेला सुशांत सध्या त्याच्या आगामी ‘राब्ता’ या चित्रपटाच्या प्रमोशनमध्ये व्यस्त आहे. सुशांत या चित्रपटासाठी खूपच एक्साइटेड असून, हा चित्रपट बॉक्स आॅफिसवर कोट्यवधी रुपयांची कमाई करण्याची शक्यता आहे. सुशांतने ‘एमएस धोनी : द अनटोल्ड स्टोरी’ या चित्रपटात दमदार अभिनय केला होता. या चित्रपटाने बॉक्स आॅफिसवर कमाईचे अनेक रेकॉर्डही ब्रेक केले होते. असाच काहीसा करिष्मा त्याचा आगामी ‘राब्ता’ हा चित्रपट करणार अशी सुशांतला अपेक्षा आहे. सुशांत या चित्रपटात क्रिती सॅनन हिच्याबरोबर झळकणार आहे. या चित्रपटामुळे दोघांमध्ये चांगलीच जवळिकता निर्माण झाली आहे.