भारतातील प्रसिद्ध उद्योगपती मुकेश अंबानी यांची मुलगी ईशा अंबानी आज अानंद पिरामल यांच्यासोबत लग्नबेडीत अडकली आहे. हा विवाह सोहळा मुकेश अंबानी यांचे घर अँटिलियामध्ये पार पडत आहे. यावेळी आनंद पिरामल वरातीसोबत अँटिलिया येथे पोहचले. वरातीतील मंडळींचे स्वागत खुद्द मुकेश अंबानी यांनी केले. यावेळी वराकडील मंडळींनी बॉलिवूड स्टाईलमध्ये डान्स केला. याचा व्हिडिओ सध्या व्हायरल होत आहे. इतकेच नाही तर लग्नासाठी मुकेश अंबानी यांचे घर अँटिलिया एखाद्या वधूसारखे सजविले आहे.
ईशा अंबानी व आनंद पिरामल यांच्या विवाह सोहळ्यात जवळपास सहाशे लोक सहभागी होणार आहेत. त्यामुळे अँटिलियामध्ये कडक सुरक्षा व्यवस्था ठेवण्यात आली आहे.
याशिवाय घर फुलांनी सजवण्यात आले आहे. या घराच्या डेकोरेशनचे फोटो सध्या सोशल मीडियावर व्हायरल होत आहेत. लग्नानंतर रिसेप्शन पार्टीचे देखील आयोजन करण्यात येणार आहे. ईशाच्या लग्नाची निमंत्रण पत्रिकेची देखील खूप चर्चा झाली.