बऱ्याच प्रतीक्षेनंतर प्रसिद्ध उद्योगपती मुकेश अंबानी (Mukesh Ambani) यांचा धाकटा मुलगा अनंत अंबानी (Anant Ambani) याने मुंबईतील आलिशान जिओ वर्ल्ड कन्व्हेन्शन सेंटरमध्ये राधिका मर्चंट(Radhika Marchant)सोबत लग्नगाठ बांधली. अनंत अंबानी यांच्या भव्य लग्नाचे व्हिडिओ सोशल मीडियावर व्हायरल झाले आहेत. वेगवेगळ्या क्षेत्रातील पाहुण्यांपैकी जान्हवी कपूर(Janhvi Kapoor)नेही लग्नाला हजेरी लावली होती. यावेळीचा तिचा व्हिडीओ सोशल मीडियावर व्हायरल होताना दिसत आहे. ज्यात 'मिस्टर अँड मिसेस माही' अभिनेत्रीच्या समोर कथित प्रियकर शिखर पहाडिया (Shikhar Pahadiya) समोर आला तेव्हा ती लाजताना दिसली.
सोशल मीडियावर अनंत-राधिकाच्या लग्नातील अनेक व्हिडीओ व्हायरल होताना दिसत आहे. त्यातील जान्हवी कपूरचा एक व्हिडीओ खूप चर्चेत आला आहे. ज्यात जान्हवी गोल्डन लेहंग्यात दिसते आहे. ती रेड कार्पेटवर पापाराझींसमोर पोझ देत असताना तिथून तिचा कथित बॉयफ्रेंड शिखर पहाडिया जाताना दिसला. तो तिच्याकडे पाहून काहीतरी म्हणाला. हे ऐकून जान्हवी लाजताना दिसली. यानंतर जेव्हा पापाराझींनी त्यांना एकत्र पोज देण्यास सांगितले तेव्हा जान्हवी आणखीनच लाजली.
मुंबईतील मुकेश अंबानी आणि नीता अंबानी यांचे आलिशान घर असलेल्या अँटिलिया येथे आयोजित ममेरू समारंभाने गेल्या आठवड्यात अनंत अंबानी आणि राधिका मर्चंट यांच्या भव्य विवाह सोहळ्याला सुरुवात झाली. अनंत अंबानी- राधिका मर्चंटचे १२ तारखेला लग्न झाले. आज १३ जुलै रोजी शुभ आशीर्वाद सोहळा होणार आहे. १४ जुलै रोजी लग्नाच्या रिसेप्शनसह मंगल उत्सवाची सांगता होईल, जेथे ड्रेस कोडनुसार भारतीय आकर्षक पोशाख आवश्यक असेल. हे आनंदाचे प्रसंग बीकेसीच्या प्रतिष्ठित जिओ वर्ल्ड सेंटरमध्ये साजरे होत आहेत.
देश-विदेशातील पाहुणे झाले सहभागी
अनंत अंबानी आणि राधिका मर्चंटच्या लग्नात देश-विदेशातील पाहुणे सहभागी झाले होते. किम कार्देशियन, ख्लो कार्दशियन, प्रियांका चोप्रा, निक जोनास, राम चरण, माजी ब्रिटनचे पंतप्रधान बोरिस जॉन्सन आणि सॅमसंग इलेक्ट्रॉनिक्सचे कार्यकारी अध्यक्ष जय वाय ली यांच्यासह अनेक आंतरराष्ट्रीय सेलिब्रिटींनी या लग्नाला उपस्थिती लावली. अंबानी कुटुंबाने आपल्या सर्व पाहुण्यांचे मोठ्या उत्साहात स्वागत केले.