बॉलिवूडचा बादशाह शाहरुख खान(Shah Rukh Khan)च्या 'जवान' (Jawan Movie) चित्रपटाचे प्रीव्ह्यू समोर आल्यापासून सोशल मीडियावर या अभिनेत्याला प्रचंड प्रतिसाद मिळत आहे. चाहत्यांसोबतच बॉलिवूड स्टार्सही या प्रिव्ह्यूचं कौतुक करत आहेत. अलीकडेच, बॉलिवूडचा सुप्रसिद्ध अभिनेता सलमान खान याने शाहरुख खानच्या 'जवान' चित्रपटाच्या प्रिव्ह्यूचे कौतुक केले आणि तो चित्रपट पाहण्यासाठी नक्कीच जाणार असल्याचेही सांगितले. सलमान खानशिवाय साऊथ स्टार विजय सेतुपतीनेही चित्रपटाच्या 'प्रीव्ह्यू'चे कौतुक केले, शाहरुखने त्याच्या ट्विटला उत्तर देऊन सर्वांची मनं जिंकली.
शाहरुख खानचा 'जवान' चित्रपट गेल्या अनेक दिवसांपासून सोशल मीडियावर चर्चेत आहे. चित्रपटाच्या प्रिव्ह्यूनंतर ही चर्चा अधिकच रंगली आहे. शाहरुख खानच्या 'जवान' या चित्रपटाच्या प्रिव्ह्यूबद्दल सर्वजण बोलत आहेत. तारे-तारकांपासून ते सर्वसामान्यांपर्यंत त्याचे कौतुक करताना दिसले. या एपिसोडमध्ये, सुप्रसिद्ध साऊथ स्टार विजय सेतुपतीने देखील चित्रपटाच्या प्रिव्ह्यू बद्दल ट्विट केले होते, ज्याला शाहरुखने दिलेल्या उत्तराने सर्वांचे मन जिंकून घेतले.
शाहरुख खानने विजय सेतुपतीला म्हटले 'सर'शाहरुख खानने विजय सेतुपतीच्या ट्विटला उत्तर देत एक ट्विट केले आहे. किंग खानने लिहिले, 'सर तुमच्यासोबत काम करणे सन्मानाची गोष्ट आहे. मला तमिळ शिकवल्याबद्दल आणि मला स्वादिष्ट जेवण दिल्याबद्दल धन्यवाद.' शाहरुख खानच्या या ट्विटचे सोशल मीडियावर जोरदार कौतुक होत आहे.
जवान चित्रपट कधी प्रदर्शित होणार?शाहरुख खानचा 'जवान' चित्रपट ७ सप्टेंबर २०२३ रोजी मोठ्या पडद्यावर प्रदर्शित होणार आहे. या चित्रपटात शाहरुख खानसोबत नयनतारा आणि विजय सेतुपती देखील महत्त्वाच्या भूमिकेत दिसणार आहेत. याशिवाय या चित्रपटात दीपिका पादुकोण एक कॅमिओ झळकणार आहे.