John Abraham's Suzuki Hayabusa Bike: बॉलिवूडचा हँडसम हंक अभिनेता जॉन अब्राहम पुन्हा एकदा 'धूम' अवतारात परतणार आहे. हा त्याचा नवीन धूम अवतार चित्रपटात नाही, तर खऱ्या आयुष्यात दिसणार आहे. जॉनला ब्रँडेड रेसिंक बाईकची किती आवड आहे, हे सर्वश्रुत आहे. यातच आता त्याने आपल्या गॅरेजमध्ये नवीन 2023 Suzuki Hayabusa सामील केली आहे.
मिळालेल्या माहितीनुसार, ही तिच ऑयकॉनिक बाईक आहे, ज्याचा वापर धूम (Dhoom) चित्रपटाच्या पहिल्या पार्टमध्ये केला होता. परंतू, जॉनने घेतलीली गाडी नवीन मॉडेल आहे. ही बाईक अॅडव्हान्स फीचर्स आणि तंत्रज्ञानाने सुसज्ज आहे. पठाण चित्रपटाच्या यशानंतर जॉनने स्वतःला ही गाडी गिफ्ट केली आहे. जॉन अब्राहमने या बाईकच्या डिलिव्हरीचा एक व्हिडिओही सोशल मीडियावर शेअर केला आहे.
इंस्टाग्रामवर शेअर केलेल्या व्हिडिओमध्ये जॉन आपल्या नवीन सिल्वर कलरच्या सुजुकी हायाबुसाची रॅपिंग उघडताना दिसत आहे. काही दिवसांपूर्वीच कंपनीने या बाईकचे लेटेस्ट मॉडेल लॉन्च केले होते. मिळालेल्या माहितीनुसार, भारतीय बाजारात या नवीन Suzuki Hayabusa ची सुरुवाती किंमत 16.41 लाख रुपये (एक्स-शोरूम, दिल्ली) आहे.
जॉनचे बाईक कलेक्शन:
जॉन अब्राहमला रेसिंग बाईकची आवड आहे, हे सर्वांनाच माहित आहे. जॉनच्या गॅरेजमध्ये अनेक बाईक्स असून, यात लेटेस्ट सुजुकी हायाबुसा, यामहा आर1, कावासाकी ZX-14R, होंडा सीबीआर 1000 आरआर-आर, डुकाटी डिएवेल, सुझुकी जीएसएक्स-1000 आर, BMW S100RR सारख्या बाईक्स सामील आहेत.