बॉलिवूड क्वीन कंगना रणौत (Kangana Ranauat) सतत काही ना काही विधानं केल्याने चर्चेत असते. आता तर ती पुन्हा ट्विटरवर परतल्याने त्यावरही काही ना काही ट्वीट करत प्रसिद्धीझोतात येते. आता तर तिने थेट ट्विटरचे सीईओ एलॉन मस्कच्या (Elon Musk) ट्वीटवर प्रतिक्रिया दिली आहे. सोबतच तिने जुन्या प्रेमप्रकरणालाही उजाळा दिला आहे.
एलॉन मस्क यांनी ट्वीट केले की, 'प्रेमात पडणं ही वेगळी अनुभूती आहे. विशेषत: जेव्हा तुम्हाला माहिती असतं की तो एक पगारी अभिनेता आहे आणि तुमचं लक्ष वळवण्यासाठी सीआयएने पाठवलं आहे.'
एलॉन मस्कचे हेच ट्वीट कंगानाने रिट्वीट करत लिहिले, 'माझ्यापेक्षाही कोणाचं तरी आयुष्य नाट्यमय आहे यावर विश्वासच बसत नाही. प्रेमप्रकरणावरुन फिल्म माफियांनी मला तुरुंगात पाठवायचा प्रयत्न केला. पण हे तर सगळ्यात जास्त मनोरंजक आहे.'
कंगनाने तिच्या ट्वीटमधून तिचा रोख हा तिच्या आणि हृतिकच्या नात्यावर होता हे कळतं. क्रिश २ सिनेमाच्या वेळी त्यांचं नातं चर्चेत होतं. मात्र नंतर त्यांच्यातील वाद चव्हाट्यावर आले. कंगना लवकरच आगामी 'इमर्जन्सी' सिनेमात दिसणार आहे. यामध्ये तिने माजी पंतप्रधान इंदिरा गांधी यांची भूमिका साकारली आहे.