लोकसभा निवडणुकीतील पीएम मोदींच्या विजयाने मोदी समर्थकांममध्ये आनंदाचे वातावरण आहे. बॉलिवूडही याला अपवाद नाही. अभिनेत्री कंगना राणौत ही सुद्धा मोदींच्या विजयामुळे खुश्श आहे. मग या आनंदाचे हटके सेलिब्रेशन तर बनतेच. मोदींच्या विजयाचा आनंद साजरा करण्यासाठी कंगनाने काय करावे, तर चक्क स्वत:च्या हातांनी चहा आणि भजी बनवून घरातील सर्वांना खाऊ घातलीत.
कंगनाने अलीकडे कान्स फिल्म फेस्टिवल 2019 मध्ये हजेरी लावली होती. कान्स फिल्म फेस्टिवल 2019च्या रेड कार्पेटवर अनेकींनी एकापेक्षा एक ग्लॅरस वेस्टर्न आऊटफिटसमध्ये एन्ट्री घेतली असताना कंगनाने मात्र या खास इंटरनॅशनल इव्हेंटसाठी इंडियन लूकची निवड केली होती. तिचा हा लूक पाहून सगळेच तिच्या प्रेमात पडले होते.कंगनाकडे सध्या ‘पंगा’ आणि ‘मेंटल है क्या’ असे दोन सिनेमे आहेत. ‘मेंटल है क्या’ या चित्रपटात ती राजकुमार रावसोबत दिसणार आहे. हा सिनेमा 26 जुलैला रिलीज होणार आहे. याआधी हा सिनेमा आणि हृतिक रोशनचा ‘सुपर 30’ एकाच दिवशी रिलीज होणार होते. कंगनाशी ‘पंगा’ टाळण्यासाठी हृतिकने त्याच्या सिनेमाची तारीख पुढे ढकलली.