लेखक सलमान रश्दी यांच्यावर प्राणघातक हल्ला झाल्याची एक मोठी घटना नुकतीच घडली. मिळालेल्या माहितीनुसार, न्यूयॉर्कमधील बफेलो जवळील चौटौका येथे व्याख्यानापूर्वी स्टेजवर रश्दी यांच्यावर चाकूने वार करण्यात आले. त्या हल्ल्यात ते जखमी झाले. शुक्रवारी सकाळी व्याख्यान देण्यापूर्वी CHQ 2022 कार्यक्रमासाठी स्टेजवर असताना सलमान रश्दी यांच्यावर जीवघेणा हल्ला करण्यात आला. सलमान रश्दी यांच्यावरील झालेल्या हल्ल्याचा निषेध जगभरातून करण्यात येत आहे. अनेक बॉलिवूड सेलिब्रिटींच्या प्रतिक्रिया समोर आल्या आहेत. बॉलिवूड अभिनेत्री कंगना राणौत हिने या हल्ल्याचा निषेध केला आहे. तिने सोशल मीडियावर पोस्ट शेअर केली आहे.
तिच्या इन्स्टाग्राम स्टोरीवर एक लेख शेअर करताना कंगना राणौतने लिहिले - या जिहादींनी आणखी एक भयानक घटना घडवली आहे. द सॅटॅनिक व्हर्सेस हे त्याच्या काळातील सर्वोत्कृष्ट पुस्तकांपैकी एक आहे... माझ्याकडे शब्द नाहीत... धक्का बसला"
स्वरा भास्करनेही केलंय ट्विटअभिनेत्री स्वरा भास्करनेही या हल्ल्याचा निषेध केला आहे. त्याने ट्विट केले- सलमान रश्दी यांच्यावरील हल्ला लज्जास्पद, निषेधार्ह आणि भ्याड हल्ला!
कंगना आणि स्वरा व्यतिरिक्त गीतकार जावेद अख्तर यांनीही ट्विट करून आपली प्रतिक्रिया दिली आहे. त्यांनी लिहिलं - 'काही कट्टरवाद्यांनी सलमान रश्दी यांच्यावर केलेल्या या हल्ल्याचा निषेध करतो. मला आशा आहे की न्यूयॉर्क पोलीस आणि न्यायालय हल्लेखोराविरुद्ध शक्य तितकी कठोर कारवाई करतील.
सलमान रश्दी यांच्या 'द सॅटॅनिक व्हर्सेस' या पुस्तकावर १९८८ पासून इराणमध्ये बंदी घालण्यात आली आहेत. या पुस्तकातील विचार मुस्लीमविरोधी असल्याचे काही मुस्लीम मूलतत्ववादींचे म्हणणे आहे. त्यामुळे गेल्या १५ वर्षांपासून त्यांना विविध प्रकारच्या धमक्या मिळत होत्या. आज न्यूयॉर्कमध्ये भर कार्यक्रमात त्यांच्यावर हल्ला झाल्याचा धक्कादायक प्रकार घडला.