कंगना राणौत लाटू पाहतेय ‘सिमरन’च्या लेखकाचे श्रेय? वाचा काय आहे प्रकरण!
By ऑनलाइन लोकमत | Published: May 18, 2017 9:24 AM
कंगणा राणौत आणि वाद यांचे जुने नाते आहे. सध्या ती अशाच काहीशा कारणाने चर्चेत आहे. अर्थात हा वाद नाही. ...
कंगना राणौत लाटू पाहतेय ‘सिमरन’च्या लेखकाचे श्रेय? वाचा काय आहे प्रकरण!
कंगणा राणौत आणि वाद यांचे जुने नाते आहे. सध्या ती अशाच काहीशा कारणाने चर्चेत आहे. अर्थात हा वाद नाही. पण फुकटचे श्रेय लाटण्याच्या नादात कंगनाचे पितळ उघडे पडले आहे. कंगना व अपूर्व असरानी यांच्यातील मतभेद यानिमित्ताने चव्हाट्यावर आले आहेत. आता हा अपूर्व असरानी कोण? तर कंगनाचा आगामी सिनेमा ‘सिमरन’चा पटकथालेखक़हे मतभेद सुरु होतात ते, ‘सिमरन’पासून. या चित्रपटाची कथा अपूर्वने लिहिली आहे. ‘सिमरन’चे दिग्दर्शक हंसल मेहता आणि अपूर्व अनेक वर्षांपासून एकत्र काम करत आहेत. आत्ताआत्तापर्यंत दोघांमध्ये सगळे काही आॅलवेल होते. पण अचानक चित्रपटाच्या कथालेखनाचे श्रेय कंगनाला विभागून दिले जाऊ लागले आणि अपूर्व यांचे माथे ठणकले. कंगना या चित्रपटात मुख्य भूमिकेत आहे. पटकथेचे सगळे श्रेय कंगना लाटत असलेली पाहून अपूर्व संतापला आहे आणि ते साहजिकही आहे. कारण अपूर्वचे मानाल तर त्याने या कथेसाठी त्याच्या आयुष्याची दोन वर्षे दिली आहेत. अपूर्व यावर खरमरीत बोलला आहे.