साऊथ चित्रपटांसाठी करण जोहर आहे लकी?, याबद्दल होतेय सर्वत्र चर्चा

Karan Johar: दक्षिणेतील बहुतेक सुपरस्टार आणि चित्रपट निर्माते करण जोहरच्या उपस्थितीत त्यांच्या चित्रपटांचे कार्यक्रम करताना दिसून येत आहेत

सुपर डुपर हिट बाहुबली १, बाहुबली २ आणि गाजी अटॅक यासारख्या चित्रपटांनंतर, करण जोहर (Karan Johar) आणि साउथच्या चित्रपटांमध्ये एक जादुई कनेक्शन असल्याचे दिसते, त्यांच्यामध्ये एक सकारात्मक ऊर्जा आहे.  अलीकडेच, त्याने मुंबईत बहुचर्चित चित्रपट 'RRR' च्या कार्यक्रमाचे आयोजन केले होते. तोच चित्रपट आता बॉक्स ऑफिसवर धुमाकूळ घालताना दिसत आहे.  

कन्नड सुपरस्टार यशचा अपकमिंग सिनेमा ‘केजीएफ 2’ (KGF 2) लवकरच प्रेक्षकांच्या भेटीस येतोय. येत्या १४ एप्रिलला हा चित्रपट थिएटरमध्ये धडकणार आहे. या चित्रपटाची सध्या जबरदस्त क्रेझ पाहायला मिळते आहे. नुकतेच करण जोहरने रॉकिंग स्टार यश आणि संजय दत्त अभिनीत KGF 2 चा भव्य ट्रेलर लॉन्च कार्यक्रम देखील होस्ट केला. दक्षिणेतील बहुतेक सुपरस्टार आणि चित्रपट निर्माते करणच्या उपस्थितीत त्यांच्या चित्रपटांचे कार्यक्रम करताना दिसून येत आहेत. यावरून असे वाटते की करण जोहर त्यांच्यासाठी लकी चार्म तर नाही आहे ना?

करणने अनेक दाक्षिणात्य चित्रपटांचे हिंदी रिमेक बनवले आहेत.  इतकंच नाही तर तो सुपरस्टार विजय देवरकोंडासोबत काम करतो आहे. तो  साऊथचा ब्लॉकबस्टर रोमँटिक चित्रपट ‘हृदयम’ देखील हिंदीत बनवणार असल्याची घोषणादेखील नुकतीच करण्यात आली आहे. सध्या करण जोहर छोट्या पडद्यावरील रिएलिटी शो हुन्नरबाजचे परीक्षण करतो आहे. त्याच्यासोबत या शोमध्ये जजच्या खुर्चीत मिथुन चक्रवर्ती आणि परिणीती चोप्रादेखील पाहायला मिळत आहे.