बॉलिवूड अभिनेत्री करीना कपूर(Kareena Kapoor)चे पात्र 'पू' खूप चर्चेत होते. 'कभी खुशी कभी गम' या चित्रपटात तिने ही भूमिका साकारली होती, जी लोकांना खूप आवडली होती. २२ वर्षांनंतरही करीना कपूरचे हे पात्र अजूनही लोकांच्या मनात घर करुन कायम आहे आणि लोक अनेकदा 'पू'ची नक्कल करताना दिसतात. आता अभिनेत्री म्हणते की पूचे पात्र कोणीही साकारू शकत नाही आणि ते पुन्हा रिक्रिएट केले जाऊ नये.
न्यूज १८ला दिलेल्या मुलाखतीदरम्यान करीना कपूर म्हणाली, 'पू हे एक प्रतिष्ठित पात्र होते. काही पात्रांना स्पर्श करू नये. ते जसे आहेत तसे त्यांच्यावर प्रेम केले पाहिजे. पूची भूमिका कोणीही करू शकत नाही आणि करू नये. करीना कपूरला विचारण्यात आले की तिला तिच्या पात्राचा कोणता पोशाख ट्रेंडमध्ये आणायचा आहे, तेव्हा तिने 'पू'च्या 'बोले चुडिया' आउटफिटचे नाव घेतले.
करीना कपूरने चित्रपटसृष्टीत दोन दशके पूर्ण केली आहेत. ती शेवटची 'लाल सिंग चड्ढा'मध्ये दिसली होती, ज्यामध्ये तिने आमिर खानसोबत स्क्रीन शेअर केली होती. मात्र, २०२२ साली प्रदर्शित झालेला हा चित्रपट बॉक्स ऑफिसवर काही खास कमाल दाखवू शकला नाही. हा चित्रपट १०० कोटी रुपये कमवू शकला नाही.
आता करीना कपूर लवकरच 'द क्रू' च्या शूटिंगला सुरुवात करणार आहे. हा चित्रपट गेल्या आठवड्यात फ्लोअरवर गेला. या सिनेमात करीना व्यतिरिक्त क्रिती सनॉन आणि तब्बू सारखे स्टार्स दिसणार आहेत. रिया कपूर आणि एकता कपूर मिळून त्याची निर्मिती करत आहेत. त्याचवेळी करीना कपूरकडे हंसल मेहताचा चित्रपटही आहे, जो यावर्षी चित्रपटगृहात दाखल होणार आहे.