बॉलिवूडची बेबो म्हणजेच करीना कपूर वेबसीरिजमध्ये काम करायला तयार आहे. मात्र तिने एक अट ठेवली आहे. ही अट काय असेल हे जाणून घेण्यासाठी तुम्ही उत्सुक असाल ना...वेबसीरिज जर 'सेक्रेड गेम्स' सारखी असेल तरच काम करणार असल्याचे तिने सांगितले आहे.
करिना म्हणाली, '' वेबसीरिजमध्ये मला काम करायला आवडेल. पण वेबसीरिजचा आशय 'सेक्रेड गेम्स'सारखा असेल तर काम करण्यास माझी काहीच हरकत नाही. या सीरिजने भारताला आंतरराष्ट्रीय स्तरावर पोहोचवले आहे. या प्रकारचा आशय असलेल्या वेबसीरिजमध्ये सैफ अली खान, नवाजुद्दीन सिद्दीकी व राधिका आपटेसारख्या कलाकारांनी काम केले होते. ते मजेदार होते.''ती पुढे म्हणाली, ''सैफ अलीचे जेवढे कौतुक चित्रपटांमुळे झाले तितकेच या सीरिजमुळेही झाले आहे. भारतात यासारख्या बोल्ड विषयावर यापूर्वी काम झालेले नाही. त्यामुळे अशा सीरिज बनल्या पाहिजेत.'''गुड न्यूज' या आगामी सिनेमात करीना झळकणार आहे. या चित्रपटात तिच्यासोबत अभिनेता अक्षय कुमार दिसणार आहे. याबाबत अक्षयने सांगितले की, 'मी आणि करीना एका चित्रपटात एकत्र येत असून या सिनेमाचे नाव 'गुड न्यूज' आहे.' या चित्रपटाची निर्मिती धर्मा प्रोडक्शनने केली आहे. हा चित्रपट विनोदी असल्याचे सूत्रांकडून समजते आहे. या चित्रपटाचे दिग्दर्शन राज मेहता करणार असल्याचे समजते आहे.