बॉलिवूड अभिनेता कार्तिक आर्यन सध्या चर्चेचा भाग आहे. त्याचा 'भूल भुलैया 2' (Bhool Bhulaiyaa 2) हा चित्रपट बॉक्स ऑफिसवर धुमाकूळ घालत आहे. चित्रपट प्रदर्शित होऊन 1 महिन्याहून अधिक काळ लोटला तरी चित्रपटाची बॉक्स ऑफिसवरील जादू कमी झालेली नाही. भूल भुलैया 2 नुकताच 175 कोटींच्या क्लबमध्ये सामील झाला आहे आणि ज्या पद्धतीने त्याचा व्यवसाय सुरू आहे, तो चित्रपट 200 कोटींच्या क्लबमध्ये सामील व्हायला जास्त वेळ लागणार नाही. सोमवारी या चित्रपटाचे बॉक्स ऑफिस कलेक्शन समोर आले आहे.
ट्रेड अॅनालिस्ट तरण आदर्श यांनी सोशल मीडियावर पोस्ट शेअर करून चित्रपटाच्या बॉक्स ऑफिस कलेक्शनची माहिती दिली आहे. गेल्या वीकेंडला या चित्रपटाने चांगला व्यवसाय केला आहे. शुक्रवारी 1.15 कोटी, शनिवारी 2.02 कोटी, रविवारी 2.51 कोटी आणि सोमवारी 76 लाख. या चित्रपटाने एकूण 182.58 कोटींची कमाई केली आहे. हा चित्रपट लवकरच 200 कोटी क्लबमध्ये सामील होणार आहे.
OTT वर देखील होतोय ट्रेंडिंगकार्तिक आर्यनचा चित्रपट भूल भुलैया 2 देखील OTT प्लॅटफॉर्मवर प्रदर्शित झाला आहे. OTT प्लॅटफॉर्मवरही हा चित्रपटाला पसंती मिळतेय. पुष्पानंतर, भूल भुलैया 2 हा दुसरा चित्रपट आहे जो बॉक्स ऑफिसवर तसेच ओटीटीवर ट्रेंड करत आहे.
‘भुल भुलैय्या 2’ मध्ये कार्तिक आर्यनने रूह बाबा ही भूमिका साकारली आहे. 2007 मध्ये रिलीज झालेल्या ‘भुल भुलैय्या ’ चित्रपटाचा हा दुसरा भाग आहे. ‘भुल भुलैय्या’ चित्रपटाच्या पहिल्या भागामध्ये अक्षय कुमार, अमिषा पटेल, विद्या बालन आणि शायनी आहूजा या कलाकारांनी प्रमुख भूमिका साकारली होती. ‘भुल भुलैय्या 2’ मध्ये कार्तिक आर्यनसोबतच तब्बू, कियारा अडवाणी आणि राजपाल यादव यांनी प्रमुख भूमिका साकारली आहे.