कार्तिक आर्यन व सारा अली खान लवकरच 'लव आज कल' चित्रपटाच्या सीक्वलमध्ये झळकणार आहे. या चित्रपटाच्या प्रदर्शनाआधीच हे दोघे चर्चेत आले आहे. गेल्या काही दिवसांपू्र्वी 'लव आज कल २' सिनेमाच्या सेटवरील फोटो समोर आले होते. या फोटोतून सारा अली खान व कार्तिक आर्यन यांची केमिस्ट्री पहायला मिळाली. नुकताच कार्तिक आर्यनचा एक व्हिडिओ समोर आहे. या व्हिडिओत कार्तिक नव्या अंदाजात दिसतो आहे.
सिंपल लूक आणि फ्रेंच दाढीमध्ये कार्तिक दिसतो आहे. त्याचा हा लूक 'लव आज कल २'चा असल्याचे बोलले जात आहे.
इम्तियाज अली दिग्दर्शित 'लव आज कल' चित्रपटात दीपिका पादुकोण व सैफ अली खान मुख्य भूमिकेत दिसणार आहेत. हा चित्रपट बॉक्स ऑफिसवर यशस्वी ठरला होता. दहा वर्षानंतर आता या चित्रपटाचा सीक्वल येत असून यात सैफ अली खान व अमृता सिंग यांची मुलगी सारा आली खान व कार्तिक आर्यन झळकणार आहेत. या चित्रपटाचे दिल्लीतील शूट पूर्ण झाले असून पुढील शेड्युलसाठी ते उदयपूरला पोहचले आहेत.