KGF 2 OTT Price : थिएटरनंतर आता OTTवर धुमाकूळ घालण्यासाठी सज्ज झालाय 'केजीएफ २', इतक्या कोटींना विकले राइट्स

KGF 2 OTT Price : आता रॉकी भाईच्या चाहत्यांसाठी खुशखबर आहे. हा चित्रपट लवकरच ओटीटी प्लॅटफॉर्मवर रिलीज होणार आहे.

साउथचा सुपरस्टार यश (Yash)चा बहुचर्चित केजीएफ २ (KGF 2) चित्रपट सातत्याने नवे रेकॉर्ड्स बनवताना दिसत आहे. १४ एप्रिलला रिलीज झालेल्या या चित्रपटाची बॉक्स ऑफिसवरील जादू अद्याप कायम आहे. आता रॉकी भाईच्या चाहत्यांसाठी खुशखबर आहे. हा चित्रपट लवकरच ओटीटी प्लॅटफॉर्मवर रिलीज होणार आहे. त्याचे राइट्स विकत घेण्यासाठी ओटीटी प्लॅटफॉर्मला कोट्यावधी रुपये मोजावे लागल्याचे समजते आहे.

मीडिया रिपोर्ट्सनुसार, केजीएफ २ चित्रपटाचे ओटीटी राइट्स ३२० कोटींना विकले गेले आहेत. हा चित्रपट २७ मे नंतर ओटीटीवर रिलीज केला जाणार आहे. त्यामुळे आता चाहत्यांना रुपेरी पडद्यावर रॉकी भाईचा जलवा पाहिल्यानंतर आता छोट्या स्क्रीनवर पुन्हा या चित्रपटाचा आनंद लुटता येणार आहे. केजीएफ २ हा चौथा चित्रपट आहे, ज्याने सर्वात जास्त कमाई केली आहे. आतापर्यंत या चित्रपटाने १००० कोटींहून जास्त कमाई केली आहे.

केजीएफ कन्नड सिनेइंडस्ट्रीतील सर्वात जास्त कमाई करणारा एकमात्र सिनेमा आहे. यापूर्वी कोणताही कन्नड चित्रपट १००० कोटींचा आकडा पार करू शकला नव्हता. केजीएफ २ रिलीज होताच चित्रपटाने मोठा पल्ला गाठला आहे. पहिल्या आठवड्यात या चित्रपटाने ५५२ कोटींची रेकॉर्ड ब्रेक कमाई केली होती. चित्रपटाचे बजेट १०० कोटी रुपये होते आणि १००० कोटींचा आकडा पार केला असून अद्याप कलेक्शन सुरू आहे.

केजीएफ २ चित्रपटात अभिनेता यशने रॉकी भाईची भूमिका बजावली आहे. त्याच्या व्यतिरिक्त या चित्रपटात श्रीनिधी शेट्टी, संजय दत्त, रवीना टंडन, अर्चना जोइस आणि प्रकाश राज हे कलाकार प्रमुख भूमिकेत आहेत. या चित्रपटाचे दिग्दर्शन प्रशांत नील यांनी केले आहे. या चित्रपटाचा पहिला भाग २०१८ साली रिलीज झाला होता आणि हा चित्रपट सुपरहिट ठरला होता.