Sidharth Malhotra, Kiara Advani : अभिनेता सिद्धार्थ मल्होत्रा व कियारा अडवाणी गेल्या ७ फेब्रुवारीला लग्नबंधनात अडकले. राजस्थानच्या जैसलरमेर येथील सूर्यगढ पॅलेसमध्ये हा शाही विवाहसोहळा पार पडला. या लग्नाचा थाट तुम्ही पाहिलाच. लग्नाचे काही फोटोही पाहिलेत. आता सिद्धार्थ व कियाराने हळदीचे फोटो शेअर केले आहेत. हे फोटोही दृष्ट लागावी इतके सुंदर आहेत.
कियाराने तिच्या इन्स्टा अकाऊंटवर हे फोटो शेअर केले आहेत. दोघांनाही हळद लागली त्याक्षणी दोघांच्या चेहऱ्यावरचा आनंद अगदी ओसंडून वाहतोय. हळदी सेरेमनीसाठी कियाराने जरीची नक्षी असलेला ऑफ व्हाईट कलरचा लहंगा घातला होता तर यावर यॅलो कलरचा दुपट्टा कॅरी केला होता. फोटोत कियाराचा लुक बघण्यासारखा आहे. तिच्या गळ्यातला हेवी नेकपिस लक्ष वेधून घेतोय. सिद्धार्थही कमालीचा डॅशिंग दिसतोय. पिवळ्या रंगाचा पठानी सलवार आणि त्यावर फ्लोरल शॉल असा त्याचा लुकही सुंदर आहे. प्यार का रंग चढा है..., असं कॅप्शन देत कपलने हे फोटो शेअर केले आहेत.
या फोटोंवर सध्या कमेंट्स आणि लाईक्सचा वर्षाव होतोय. केवळ ४८ मिनिटात १६ लाखांवर लोकांनी या फोटोंना लाइक केलं आहे.लग्नानंतर कियारा व सिद्धार्थ दिल्लीला रवाना झाले होते. लग्नानंतर पहिल्यांदा सासरी पोहोचलेल्या कियाराचं जंगी स्वागत झालं होतं. दिल्लीत कियारा व सिद्धार्थचं लग्नाचं पहिलं रिसेप्शन झालं. यानंतर या जोडप्यानं बॉलिवूडच्या मित्रमंडळींसाठी मुंबईत एक खास रिसेप्शन दिलं. सिद्धार्थ-कियाराच्या शाही लग्नसोहळ्यावर तीन दिवसांसाठी तब्बल ६ कोटी रुपये खर्च करण्यात आल्याचे बोललं जात आहे.