यशराज फिल्म्सच्या 'पठाण' मधून शाहरुखने (Shahrukh Khan) बॉलिवूडचा किंग आपणच हे दाखवून दिले आहे. पठाणची बॉक्सऑफिसवरील एकंदर कमाई बघता याचा अंदाज येईल. तब्बल ४ वर्षांनंतर शाहरुखने रुपेरी पडद्यावर पुनरागमन केले. तीव्र विरोध पत्करुन 'पठाण' रिलीज झाला आणि या बॉयकॉट ट्रेंडचा सिनेमावर काहीच परिणाम झालेला दिसला नाही. याउलट एकंदर कॉन्ट्रोव्हर्सीचा 'पठाण'ला फायदाच झाला.
'पठाण'च्या यशामुळे शाहरुख भावूक
'पठाण'ला चाहत्यांनी दिलेल्या भरघोस प्रतिसादामुळे शाहरुख खान भावूक झाला आहे. त्याने इन्स्टाग्राम पोस्ट शेअर करत खास कॅप्शनही लिहिले आहे. सूर्यप्रकाशात क्लिक केलेला शाहरुखचा हा फोटो आहे. या फोटोवर शाहरुख लिहितो, 'सूर्य एकटाच असतो..तो तळपत असतो. अंधारातून पुन्हा उजळत प्रकाशाकडे येतो. 'पठाण' वर असाच प्रकाश टाकत राहण्यासाठी सर्वांचे आभार.'
शाहरुखच्या या पोस्टवर अनेक कलाकारांनी कमेंट केली आहे. नृत्य दिग्दर्शिका फराह खान हिने शाहरुखला 'तू सूर्य आहेस' असे म्हणले आहे. अभिनेत्री अमृता खानविलकर, अभिनेत्री राशी खन्ना यांनीही शाहरुखच्या पोस्टवर हार्ट इमोजी दिल्या आहेत.
'पठाण'ने रिलीजच्या 14 व्या दिवशी 7.50 कोटींचा गल्ला जमवला आहे, ज्यामुळे 'पठाण' हा हिंदी चित्रपटसृष्टीतील दुसरा सर्वाधिक कमाई करणारा चित्रपट ठरला आहे. 'पठाण'ने सर्वाधिक कमाई करणाऱ्या सिनेमांच्या यादीत दक्षिण सिनेमाचा ब्लॉकबस्टर सिनेमा KGF 2 ला मागे टाकले आहे. 'पठाण'चे भारतातील सर्व भाषांमधील एकूण बॉक्स ऑफिस कलेक्शन 446.02 कोटी आहे. तर वर्ल्डवाईड पठाण १००० कोटींच्या दिशेने वाटचाल करत आहे.