Alia Bhatt Ranbir Kapoor Net Worth: रणबीर कपूर (Ranbir Kapoor ) व आलिया भट (Alia Bhatt ) एकमेकांसोबत नात्यात आहेत, हे आताशा कुणापासूनही लपून राहिलेलं नाही. अलीकडे ‘आरआरआर’च्या एका प्रमोशन इव्हेंटमध्ये आलियाने जाहिरपणे याची कबुली दिली होती. होय, माझ्या आयुष्यात आणखी एक ‘आर’ आहे, असं ती म्हणाली होती. तिचा अर्थ रणबीर कपूरशी होता. रणबीर व आलिया हे बॉलिवूडचं पॉवर कपल लवकरच लग्न करणार, असंही मानलं जातंय. ही गुड न्यूज आज ना उद्या मिळेलंच, त्याआधी या पॉवर कपलची नेटवर्थ आपण जाणून घेणार आहोत.
रणबीर कपूर हा ‘कपूर’ घराण्याचा वारसदार आहेच. शिवाय एक दमदार अभिनेताही आहे. GQ Indiaनुसार, रणबीरची एकूण संपत्ती 337 कोटी रूपये आहे. चित्रपटांशिवाय जाहिरातींमधूनही तो बक्कळ कमाई करतो. एका रिपोर्टनुसार, रणबीर एका चित्रपटासाठी 18 ते 20 कोटी फी घेतो आणि जाहिरातीसाठी सुमारे 5 कोटी रूपये चार्ज करतो.रणबीरकडे मुंबईत एक लक्झरी अपार्टमेंट आहे. अलिशान गाड्या तर विचारू नका. रणबीरकडे अलिशान BMW X6 गाडी आहे. याची किंमत 1.02 कोटी रूपये आहे. याशिवाय Lexus, Mercedes-Benz GL Class, Audi R8 आणि Range Rover अशा गाड्याही त्याच्याकडे आहेत.
आलिया भटही संपत्तीच्या बाबतीत कमी नाही. आलिया 21.7 मिलियन डॉलरची मालकीण आहे. भारतीय रूपयांत सांगायचं झाल्यास, तिच्याकडे 158 कोटींची संपत्ती आहे. मुंबईत वांद्रे आणि जुहूमध्ये तिची दोन लक्झरी अपार्टमेंट आहेत. याशिवाय Covent Garden मध्येही तिनं एक घर खरेदी केलं आहे. आलियाकडे सुद्ध Range Rover Evoque, Audi A6, Q5, BMW 7अशा अलिशान गाड्या आहेत.रणबीर व आलियाची संपत्ती एकत्र केली तर दोघंही 495 कोटींचे मालक असतील.
वर्कफ्रंटबद्दल सांगायचं तर आलिया व रणबीर लवकरच ‘ब्रह्मास्त्र’ या सिनेमात दिसणार आहेत. आलियाकडे गंगूबाई काठियावाडी, रॉकी और रानी की प्रेम कहानी, आरआरआर असे सिनेमे आहेत. रणबीरही शमशेरा, एनिमल या चित्रपटात झळकणार आहे.