​जाणून घ्या ‘एक था टाइगर’च्या सीक्वलचे नाव!!

कबीर खान दिग्दर्शित ‘एक था टायगर’ तुफान गाजला होता. सलमान खान आणि कॅटरिना कैफ या दोघांची केमिस्ट्रीही प्रेक्षकांना जाम आवडली होती. सलमान व कॅट ही जोडी पडद्यावर एकत्र पाहणे आवडत असलेल्या प्रेक्षकांसाठी आता एक आनंदाची बातमी आहे. होय, ‘एक था टायगर’च्या येऊ घातलेल्या सीक्वलमध्ये ही जोडी पुन्हा एकत्र दिसू शकते. आणखी अधिकची माहिती द्यायची झाल्यास, ‘टायगर जिंदा है’ असे या सीक्वलचे नाव असू शकते. ‘एक था टायगर’च्या सीक्वलमध्ये सलमानसोबत काम करण्यास कॅट उत्सूक असल्याची चर्चा आहे. दुसरीकडे सलमाननेही या चित्रपटासाठी होकार दिला आहे. दिग्दर्शकाचे म्हणाल तर  सीक्वलच्या दिग्दर्शनाची जबाबदारी कबीर यांच्याऐवजी अली अब्बास यांच्या खांद्यावर सोपवण्यात येणार असल्याची खबर आहे. जिथे ‘एक था टायगर’ संपला, तिथून पुढे याच्या सीक्वलची कथा सुरु होईल,असेही कळतेय. तेव्हा बघूयात ‘एक था टायगर’च्या सीक्वलची प्रेक्षकांची प्रतीक्षा कधी संपते ते!