जाणून घ्या कधी सुरु होणार संदीप और पिंकी फरार चित्रपटाचे शूटिंग

दिवाळीत रिलीज झालेल्या गोलमाल अगेनच्या यशानंतर परिणीती चोप्रा लवकरच तिचा संदीप और पिंकी फरारच्या शूटिंगला सुरुवात करणार आहे. या चित्रपटाच्या शूटिंगला या आठवड्यापासून सुरुवात करणार आहे. यासाठी चित्रपटाची संपूर्ण टीम दिल्लीला रवाना झाली आहे.  हा चित्रपट भारत विरूद्ध इंडियाच्या कल्पनेवर आधारित असल्याचे त्याने सांगितले होते. गेल्या काही काळात आपला देश भारत विरूद्ध इंडिया अशा वेगळ्यात गुंत्यात फसलेला दिसतोय. दोन वेगवेगळ्या विचारधारांचा संघर्ष देशात पाहायला मिळतो आहे. ‘संदीप और पिंकी फरार’ हा चित्रपट याच विचारधारेवर बेतलेला असेल. समाजातील बदल लोकांच्या आयुष्यात कशी उलथापालथ घडवू शकतात, हे या चित्रपटात दिसेल, असे त्याने सांगितले होते. दिबाकर बॅनर्जी दिग्दर्शित या चित्रपटाच्या कथेबद्दल कमालीची उत्सुकता पाहायला मिळतेय.अर्जुन व परिणीत यांनी याआधी ‘इशकजादे’ मध्ये एकत्र काम केले आहे. ‘संदीप और पिंकी फरार’नंतर ही जोडी विपुल शाह यांच्या ‘नमस्ते कनाडा’मध्येही दिसणार आहे.परिणीती चोप्राचे म्हणणे आहे,  या आधी ही मी अर्जुन कपूरसोबत काम केले आहे. अर्जुन कपूरसोबत मी एका सशक्त चित्रपटात काम केले आहे. यामुळे आमच्या दोघांच्यामध्ये ट्युनिंग चांगले आहे. आम्ही दोघे या चित्रपटाला घेऊन उत्सुक आहोत.  नुकताच या चित्रपटातील अर्जुनचा लूक लाँच करण्यात आला होता.  लहान केस आणि मिशी अशा आत्तापर्यंत कधी न पाहिलेल्या अवतारात अर्जुन यात दिसतोय. अर्जुनचा लूक तर आपण पाहिला. पण आता परिणीतीचा लूक कसा असेल, हे पाहणे इंटरेस्टिंग असणार आहे. कारण सूत्रांचे मानाल तर अर्जुन व परिणीती दोघेही या चित्रपटात परंपरागत बॉलिवूड स्टाईलमध्ये दिसणार आहेत.