महाराष्ट्रातील सर्वात मोठा पुरस्कार सोहळा असा नावलौकिक मिळवलेल्या, 'लोकमत महाराष्ट्रीयन ऑफ द इयर पुरस्कारां'चा भव्य सोहळा २६ एप्रिल २०२३ रोजी वरळीतील एनएससीआय डोममध्ये आज रंगला आहे. या सोहळ्यात महाराष्ट्रातील राजकारण, समाजकारण, शिक्षण, क्रीडा, आरोग्य, प्रशासन, उद्योग अशा विविध श्रेणीतील मान्यवरांना महाराष्ट्रीयन ऑफ द इयर पुरस्काराने गौरवण्यात येते. या पुरस्कार सोहळ्यात अभिनेता वरुण धवनला विशेष पुरस्कार म्हणून गौरवण्यात आले. लोकमतने मला हा पुरस्कार दिला त्याबद्दल त्याने मनापासून आभारी मानेल. आपल्यासाठी हा पुरस्कार विशेष असल्याचे ही तो यावेळी म्हणाला.
आपल्या दमदार अभिनयशैलीमुळे आज अनेकांच्या मनावर राज्य करणारा अभिनेता म्हणजे वरुण धवन (Varun dhawan). २०१२ मध्ये अभिनयाची कारकिर्द सुरु करणाऱ्या या अभिनेत्याने बॉलिवूडमध्ये त्याचं हक्काचं स्थान निर्माण केलं आहे. 'स्टुडंट ऑफ द इअर' या सिनेमातून त्याने कलाविश्वात पदार्पण केलं आणि पाहता पाहता लोकप्रिय झाला. गेल्या वर्षी रिलीज झालेल्या त्याच्या 'भेडिया' चित्रपटाने बॉक्स ऑफिसवर दमदार कामगिरी केली. यात वरुणने भास्कर शमार्ची भूमिका साकारली होती. ‘भेडिया’ हा सिनेमा 2डी आणि 3 डीमध्ये रिलीज करण्यात आला होता. हिंदीशिवाय तेलगू व तामिळ भाषेतही हा सिनेमा प्रदर्शित झाला आहे. 'भेडिया २'ची देखील घोषणा झाली आहे.
वरुण लवकरच 'सिटाडेल'मध्ये दिसणार आहे. यात तो समांथासोबत स्क्रिन शेअर करणार आहेय. याशिवाय वरुण नितेश तिवारीच्या बवाल सिनेमात झळकणार आहे.