लोकसभा निवडणुकीच्या पाचव्या टप्प्यात आज (२० मे) महाराष्ट्रातील १३ मतदारसंघासह देशातील ८ राज्ये व केंद्रशासित प्रदेशातील ४९ मतदारसंघात मतदान होत आहे. त्यामुळे सामान्यांपासून सेलिब्रिटींपर्यंत प्रत्येक जण त्यांच्या मतदानाचा हक्क बजावत आहेत. यामध्येच अक्षयकुमारपासून प्रशांत दामलेंपर्यंत अनेकांनी मतदान केलं आहे.
सध्या सोशल मीडियावर मुंबईतील काही मतदान केंद्राबाहेरील व्हिडीओ व्हायरल होत आहेत. या व्हिडीओमध्ये अनेक बॉलिवूड कलाकार त्यांच्या मतदानाचा हक्क बजावतांना दिसत आहेत.
सोशल मीडियावर व्हायरल होत असलेल्या व्हिडीओमध्ये अक्षय कुमार, फरहान अख्तर, जोया अख्तर, जान्हवी कपूर, प्रशांत दामले, शोभा खोटे यांसारख्या अनेक कलाकारांनी मतदान केलं.
दरम्यान, लोकसभा निवडणुकीच्या पाचव्या आणि राज्यातील अखेरच्या टप्प्यात मुंबईतील सहा मतदारसंघांसह ठाणे, कल्याण, भिवंडी, पालघर, नाशिक, दिंडोरी आणि धुळे अशा १३ मतदारसंघांत मतदान होणार आहे. राज्यातील २६४ व देशातील ६९५ उमेदवारांचे भाग्य ईव्हीएममध्ये सीलबंद होणार आहे.