Breaking ! अखेर रणवीर सिंगने घडवून आणली कार्तिक आर्यन व सारा अली खानची भेट!!

काल बुधवारी मुंबईत रंगलेल्या ‘लोकमत मोस्ट स्टायलिश अवॉर्ड’ सोहळ्यात ‘सिम्बा’ रणवीर सिंगने धम्माल केली. केवळ इतकेच नाही तर ‘सिम्बा’तील त्याची को-स्टार सारा अली खानची एक इच्छाही पूर्ण केली.

ठळक मुद्देकाल योगायोगाने ‘लोकमत मोस्ट स्टायलिश अवॉर्ड’मध्ये कार्तिक व सारा दोघेही आलेत आणि रणवीरने नेमकी हीच संधी साधत दोघांचीही भेट घडवून आणली. नुसतीच भेट नाही तर दोघांचेही हात एकमेकांच्या हातात देत, सारा व कार्तिकची जाम मजा घेतली.

काल बुधवारी मुंबईत रंगलेल्या ‘लोकमत मोस्ट स्टायलिश अवॉर्ड’ सोहळ्यात ‘सिम्बा’ रणवीर सिंगने धम्माल केली. केवळ इतकेच नाही तर ‘सिम्बा’तील त्याची को-स्टार सारा अली खानची एक इच्छाही पूर्ण केली. होय, अलीकडे  करण जोहरच्या ‘कॉफी विद करण’ या चॅट शोमध्ये सारा अली खानने हजेरी लावली होती. त्यावेळी तिने  अभिनेता कार्तिक आर्यनला डेट करण्याची इच्छा व्यक्त केली होती. योगायोगाने काल ‘लोकमत मोस्ट स्टायलिश अवॉर्ड’मध्ये कार्तिक व सारा दोघेही आलेत आणि रणवीरने नेमकी हीच संधी साधत दोघांचीही भेट घडवून आणली. नुसतीच भेट नाही तर दोघांचेही हात एकमेकांच्या हातात देत, सारा व कार्तिकची जाम मजा घेतली.

पुरस्कार स्वीकारल्यानंतर कार्तिक रणवीरला भेटायला आला. पण रणवीर  एक क्षणही न घालवता कार्तिकला साराकडे घेऊन गेला. त्याने दोघांचीही भेट घडवून दिली. दोघांचेही हात एकमेकांच्या हातात देत, मला आनंद होतोय की तुम्ही दोघं एकमेकांना भेटले, असे रणवीर म्हणाला. त्याचा हा अंदाज पाहून सारा लाजून लाजून चूर झाली नसेल तर नवल. यानंतर सारा व कार्तिक दोघांनीही गळाभेट घेतली आणि ही भेट इथेच संपली. या भेटीचा हा व्हिडिओ सोशल मीडियावर व्हायरल होत आहे.  

या सोहळ्यात रणवीर सिंग लोकमत मोस्ट स्टायलिश पुरस्काराचा मानकरी ठरला. रणवीर त्याच्या अभिनयासोबतच स्टाईल स्टेटमेंटसाठीही कायम चर्चेत असतो. त्याचा स्टायलिश लूक इंडस्ट्रीत अनेकदा ट्रेंडसेटर ठरला आहे. त्यामुळेच यंदाच्या ‘लोकमत मोस्ट स्टायलिश सुपरस्टार’ पुरस्कारावर त्याचे नाव कोरले गेले. रणवीर व साराचा ‘सिम्बा’ हा चित्रपट लवकरच प्रेक्षकांच्या भेटीस येतो आहे.