लवीना लोध झळकणार राम गोपाल वर्माच्या चित्रपटात ?

टॉलिवूडची अभिनेत्री लवीना लोध बॉलिवूडचा प्रसिद्ध दिग्दर्शक व निर्माता राम गोपाल वर्माच्या आगामी सिनेमात दिसणार असल्याचे बोलले जात आहे. 

लवीना लोधने दोन साऊथ चित्रपटात मुख्य भूमिकेत दिसणार आहे. हे दोन्ही चित्रपट पुढील वर्षी प्रदर्शित होणार आहे. तसेच तिने अभिनेत्री रिचा चड्ढासोबत निर्दोषी २मध्ये काम केले आहे. नुकतेच तिने गर्ल्स ऑन हिल्स शॉर्ट फिल्ममध्ये देखील काम केले आहे.

लवीनाला डान्स, ट्रॅव्हल करायला खूप आवडते.तिने बऱ्याच जाहिरातीत देखील काम केले आहे. हल्लीच ती बॉलिवूडमधील प्रसिद्ध निर्माता-दिग्दर्शक राम गोपाल वर्मासोबत दिसली होती. त्याच्यासोबतचा तिचा फोटो सध्या वायरल होत आहे. त्यामुळे ती राम गोपाल वर्माच्या आगामी सिनेमात काम करणार असल्याचे बोलले जात आहे. आता ती कोणत्या सिनेमात दिसणार हे अद्याप समजू शकलेले नाही. 

रामगोपाल वर्मा संजय दत्तच्या जीवनावर आधारित चित्रपट बनवणार असल्याचे सूत्रांकडून समजते आहे. रामगोपाल वर्मांचा हा चित्रपट मुख्यत्वेकरून 1993 चे बॉम्बस्फोट आणि एके 56 रायफल बाळगल्याप्रकरणी संजय दत्तला झालेल्या अटकेवर बेतलेला असेल. 
संजू या चित्रपटाचा ट्रेलर पाहिल्यावर संजय दत्तच्या आयुष्यातील अनेक गोष्टी या चित्रपटात दाखवल्या जाणार असल्याचे प्रेक्षकांना वाटले होते. पण या चित्रपटात संजय दत्तच्या आयुष्यातील अनेक गोष्टी दाखवण्यात आलेल्या नाहीत.त्यामुळे संजय दत्तच्या आयुष्यातील अनेक महत्त्वाच्या गोष्टी आणि व्यक्तींविषयी संजू चित्रपटात काहीही दाखवण्यात का आले नाही असा प्रश्न प्रेक्षकांना पडलेला आहे. याचाचा आधार घेत रामूने संजय दत्तच्या जीवनातील वादग्रस्त पैलूंना हात घालण्याचे ठरवले आहे.   याबाबवर रामूला विचारले असता त्यानेही आपण संजूच्या जीवनावर आधारित चित्रपट बनवणार असल्याच्या वृत्तास दुजोरा दिला आहे.