‘भूमी’साठी केले; पण ‘संजू’साठी नाही रणबीर कपूर व संजय दत्तजवळ वेळ!!

संजय दत्तच्या आयुष्यावरील चित्रपट अर्थात बायोपिक ‘संजू’ लवकरच प्रेक्षकांना पाहायला मिळणार आहे. रणबीर कपूरची मुख्य भूमिका असलेला ‘संजू’ नावाचा हा चित्रपट येत्या २९ जूनला प्रेक्षकांच्या भेटीस येतो आहे. तूर्तास या चित्रपटाचे जोरदार प्रमोशन सुरू आहे. पण या प्रमोशनमध्ये एक गोष्ट ‘मिसींग’ असल्याचे जाणवतेय आणि ती म्हणजे खुद्द संजय दत्त. होय, स्वत:च्या आयुष्यावरचा हा चित्रपट संजय म्हणावा तसा प्रमोट करताना दिसत नाहीये. आता आम्ही हे कशावरून म्हणतोय, तर संजय ‘संजू’च्या प्रमोशन इव्हेंटमध्ये कुठेच नाहीये. ना तो ‘संजू’च्या टीजर लॉन्चमध्ये दिसला, ना ट्रेलर लॉन्च इव्इेंटमध्ये त्याने हजेरी लावली. इतकेच काय, ‘संजू’ची संबंधित नवी घडामोड शेअर वा प्रमोट करतानाही तो फारसा दिसत नाहीये. आता यामागचे कारण काय तर संजय व रणबीर दोघांनाही एकमेकांसाठी वेळ नाहीये. होय, सूत्रांचे मानाल तर संजय त्याच्या चित्रपटांत बिझी आहे आणि रणबीरची ‘ब्रह्मास्त्र’चे शूटींग अन् ‘संजू’चे प्रमोशन अशा दोन्ही गोष्टी एकाचवेळी करताना कसरत होतेय. आता तर मेकर्सनीही रणबीर व संजय एकत्र येऊन या चित्रपटाचे प्रमोशन करतील, ही आशा सोडलीय. दोघांनी आपआपल्या पातळीवर चित्रपटाचे प्रमोशन केले तरी तेवढेच पुरे, असे मेकर्सला वाटू लागलेय. खरे तर संजयच्या ‘भूमी’ या कमबॅक सिनेमाच्या प्रमोशनसाठी रणबीर गेला होता. पण ‘संजू’साठी मात्र एकत्र यायला रणबीर व संजय दोघांनाही वेळ नाहीये.  आता यामागची खरी गोम काय आहे, हे संजू अन् ‘संजू’च्या रोलमधील रणबीरचं जाणोत!!ALSO READ : ‘संजू’चे पहिले गाणे ‘मैं बढिया, तू भी बढिया...’ रिलीज!!संजय दत्तचे नशेच्या आहारी गेल्यानंतरचे आयुष्य, कारागृहातील दिवस, नातेवाइकांचा अबोला, दहशतवादी अशा काही घटना या चित्रपटात  दाखविल्या जातील, ज्या तुम्हाला विचार करण्यास भाग पाडतील. या बायोपिकमध्ये अभिनेता रणबीर कपूर, मनीषा कोइराला, परेश रावल, अनुष्का शर्मा, दिया मिर्झा आणि सोनम कपूर आदी कलाकार आहेत.