सोशल मीडिया म्हणजे, चित्रविचित्र गोष्टींचा खजिना आहे, असे म्हटल्यास वावगे होणार नाही. रोज नव्या चित्रविचित्र बातम्या, चित्रविचित्र फोटो, व्हिडिओ अशा अनेक गोष्टी सोशल मीडियावर कळतात आणि क्षणात जगभर पसरतात. अलीकडे करण जोहरसोबत असेच काहीसे झाले. एका सोशल मीडिया युजरने एक फोटो पोस्ट करत त्यात करण जोहरला टॅग केले. बॉलिवूडमध्ये करण जोहरने सगळ्या क्षेत्रात आपला हात आजमावला आहे. मग ते अ‍ॅक्टिंग असो, होस्टिंग असो, डायरेक्शन असो वा प्रोड्यूसर. अ‍ॅक्टिंग सोडले तर करणने प्रत्येक क्षेत्रात बाजी मारली. सोशल मीडियावर अ‍ॅक्टिव्ह राहणाऱ्या याच करणच्या एका चाहत्याने एक फोटो पोस्ट केला. हा फोटो पाहिला अन् करण जागचा उडाला. अगदी नि:शब्द झाला. काही ट्विट तुम्हाला नि:शब्द करतात. हे त्यापैकीचं एक आहे, असे या चाहत्याचे ट्विट रिट्विट करत, करणने लिहिले.