नाना पाटेकर हे भारतीय मनोरंजन विश्वातील लोकप्रिय अभिनेते. नाना पाटेकर यांनी आजवर हिंदी नव्हे तर मराठी आणि साऊथ सिनेमांमध्येही त्यांच्या अभिनयाचं नाणं खणखणीत वाजवलंय. नाना अनेकदा त्यांच्या सहकलाकारांसोबत मजा-मस्ती करताना दिसतात. याशिवाय मीडिया आणि पापाराझींसोबतही नाना पाटेकर हलक्याफुलक्या मूडमध्ये असतात. नाना पाटेकर यांचा असाच एक व्हिडीओ सोशल मीडियावर व्हायरल झालाय. यावेळी नानांच्या छोट्याश्या कृतीचं सर्वांकडून कौतुक होतंय.
नाना पाटेकरांनी सहकलाकारांसोबत काय केलं?
नाना पाटेकर यांचा एक व्हिडीओ सोशल मीडियावर व्हायरल होतोय. या व्हिडीओत नाना पाटेकर त्यांच्या आगामी 'वनवास' सिनेमातील सहकलाकार उत्कर्श शर्मा आणि अभिनेत्रीसोबत फोटोशूट करत असतात. अचानक नाना समोर उपस्थित असलेल्या मीडियाला बोलतात की, "एक काम करा ह्या २ मुलांचा फोटो घ्या फक्त" असं म्हणत नाना बाजूला होतात. उत्कर्श आणि अभिनेत्री नानांना थांबवण्याचा प्रयत्न करतात. पण नाना दोघांना एकत्र आणत स्वतः बाजूला होतात. अशाप्रकारे नानांच्या या छोट्याश्या कृतीचं सगळीकडे कौतुक होतंय.
नानांच्या आगामी 'वनवास' सिनेमाची चर्चा
'वनवास'च्या सिनेमाचा टीझर नुकताच रिलीज झालाय. एका बापाची मन हेलावणारी कहाणी टीझरमध्ये बघायला मिळतंय. 'वनवास'चा टीझर इमोशन्सने भरलेला आहे. 'गदर' आणि 'गदर २' या सुपरहिट सिनेमांचे दिग्दर्शक अनिल शर्मांनी या सिनेमाचं दिग्दर्शन केलंय. २० डिसेंबरला हा सिनेमा थिएटरमध्ये रिलीज होणार आहे. नाना पाटेकरांचा 'वनवास' बघायला सर्वांना उत्सुकता असेल यात शंका नाही.