मौनी रॉय ह्या अभिनेत्यासोबत वेबसीरिजमध्ये करणार रोमांस

'मेहरून्नीसा' वेबसीरिजमध्ये अंगद बेदी यामध्ये शेर अफगाण आणि मौनी रॉय मेहरून्नीसाची भूमिका करणार आहे.

ठळक मुद्दे'मेहरून्नीसा'मध्ये झळकणार मौनी रॉय व अंगद बेदी ही नवीन जोडी 'मेहरून्नीसा' वेबसीरिजच्या चित्रीकरणाला लवकरच होणार सुरुवात

छोट्या पडद्यावरील नागिनच्या भूमिकेतून घराघरात पोहचलेली अभिनेत्री मौनी रॉय सध्या खूपच व्यग्र आहे. लवकरच ती 'गोल्ड' चित्रपटातून बॉलिवूडमध्ये पदार्पण करणार आहे. या चित्रपटात तिच्यासोबत अभिनेता अक्षय कुमार मुख्य भूमिकेत दिसणार आहे. आता ती ऑल्ट बालाजीच्या एका वेबसीरिजमध्ये काम करताना दिसणार आहे. 'मेहरून्नीसा' असे या वेबसीरिजचे नाव असून यात ती अभिनेता अंगद बेदीसोबत रोमांस करताना दिसणार आहे.

मेहरून्नीसा ही मुघल सम्राट जहांगीरची शेवटची पत्नी होती. मेहरून्नीसाचे पहिले लग्न हे बिहारचे शासक शेर अफगाण यांच्याबरोबर झाले होते. त्यांच्या मरणानंतर तिने सलीम जहांगीरबरोबर लग्न केले. मेहरून्नीसा तिच्या सुंदरता आणि दयाळूपणासाठी खूपच प्रसिद्ध होती. याच पार्श्वभूमीवर ही वेबसीरिज असणार आहे. तर अंगद बेदी यामध्ये शेर अफगाणची भूमिका साकरणार असल्याचे समजते आहे. तर मौनी रॉय मेहरून्नीसाची भूमिका करणार आहे. या वेबसीरिजचे चित्रीकरण लवकरच सुरु करण्यात येणार आहे. तर ही वेबसीरिज केन घोष दिग्दर्शित करणार आहेत. मौनीने थोड्याच दिवसांपूर्वीपासून या वेबसिरीजसाठी तयारी सुरु केली आहे. अजूनही सलीम जहांगीरच्या भूमिकेसाठी कोणाचेही नाव अंतिम करण्यात आल्याची माहिती नाही. आता ही वेबसीरिज काय वेगळेपणा घेऊन प्रेक्षकांसमोर येणार आणि अंगद आणि मौनीची केमिस्ट्री काय कमाल करणार हे लवकरच कळेल. दरम्यान अंगद बेदीने नुकतेच अभिनेत्री नेहा धुपियासह लग्न केले असून नुकताच त्याचा ‘सूरमा’ हा चित्रपट प्रदर्शित झाला आहे. यामधील त्याच्या भूमिकेला प्रेक्षकांनी चांगली पसंती दिली आहे. तर मौनीचा ऑगस्टमध्येच गोल्ड चित्रपट प्रदर्शित होणार असून याव्यतिरिक्त ती ‘ब्रम्हास्त्र’, ‘रोमिओ अकबर वॉल्टर’ आणि ‘मेड इन चायना’ यासारख्या चित्रपटांमधूनही प्रेक्षकांसमोर येणार आहे. मौनी व अंगद या नवीन जोडीची केमिस्ट्री रसिकांना भावते का हे पाहावे लागेल.