विराट कोहलीचे नंबर्स बघा आणि माझे बघा..., अमिताभ यांना छळतंय एकच दु:ख!!

अमिताभ बच्चन (Amitabh Bachchan) सोशल मीडियावर किती अ‍ॅक्टिव्ह असतात, हे नव्यानं सांगण्याची गरज नाही. अर्थात इतकी मेहनत करूनही ‘रिझल्ट’ फार काही समाधानकारक नाही....

अमिताभ बच्चन (Amitabh Bachchan) सोशल मीडियावर किती अ‍ॅक्टिव्ह असतात, हे नव्यानं सांगण्याची गरज नाही. आपल्या फिल्मी करिअरमधील किस्स्यांपासून तर प्रेरणादायी संदेशापर्यंत असं सगळं अमिताभ  चाहत्यांसोबत शेअर करत असतात. अनेकदा त्यांच्या पोस्ट लक्ष वेधून घेतात. ब*याचदा ते मध्यरात्रीनंतरही पोस्ट शेअर करतात. अर्थात इतकी मेहनत करूनही ‘रिझल्ट’ फार काही समाधानकारक नाही. होय, खुद्द बिग बींनी याबद्दल खंत व्यक्त केली आहे. क्रिकेटपटू विराट कोहलीसोबत (Virat Kohli)  तुलना करत त्यांनी ही खंत बोलून दाखवली आहे.

आता ही काय भानगड आहे तर इन्स्टाग्राम फॉलोअर्स. होय, या वयात इतकं अ‍ॅक्टिव्ह राहूनही इन्स्टाग्रामवर अमिताभ यांचे केवळ 29.2 मिलियन फॉलोअर्स  (Amitabh Bachchan Instagram followers) आहेत. हेच दु:ख त्यांना छळतंय.

अमिताभ यांनी त्यांच्या इन्स्टा अकाऊंटवर Tuxedo  घातलेला एक फोटो शेअर केला आहे सोबत एक खास पोस्ट. ते लिहितात, ‘तिने मला हे पाठवलं आणि स्वत:ला जरा बघा, असं म्हणाली. मी पाहिलं आणि दुस-यांनाही दाखवलं. ही या पोस्ट मागची कहाणी. एकदम खरी... पण नंबर्स अद्यापही कमी आहेत. विराट कोहलीचे सर्वाधिक 160 मिलियन फॉलोअर्स आहेत आणि माझे पाहा. मोठ्या मुश्किलीने 29 मिलियन...’

विराट कोहली हा अमिताभ याचा आवडता खेळाडू आहे. अनेकदा तो खेळत असताना बिग बी त्याला चीअर करताना दिसतात. कदाचित त्यामुळेच त्यांनी स्वत:ची तुलना विराट कोहलीसोबत केली आहे. ही तुलना करताना फॉलोअर्सबद्दलचं त्यांचं दु:ख स्पष्ट दिसतंय. अमिताभ इन्स्टावर फॉलोअर्स वाढवण्याच्या प्रयत्नात आहेत. मात्र अद्यापही त्यांना बराच मोठा पल्ला गाठायचा आहे. आता हा पल्ला ते कसा व कधी गाठतात, हे पाहणं इंटरेस्टिंग असणार आहे.