​‘मिस वर्ल्ड’ मानुषी छिल्लरने सुरू केली बॉलिवूडची तयारी! साईन केली पहिली जाहिरात!!

गतवर्षी ‘मिस वर्ल्ड’ किताबावर नाव कोरणारी मानुषी छिल्लर बॉलिवूड एन्ट्रीच्या तयारीत आहेत.  या दिशेने तिने आणखी एक पाऊल पुढे टाकलेय. होय, ‘मिस वर्ल्ड’ मानुषीने नुकताच एक अ‍ॅड कॉन्ट्रॅक्ट साईन केला आहे. याअंतर्गत मानुषी दागिण्यांची जाहिरात करताना दिसणार आहे. आत्तापर्यंत बॉलिवूडची ग्लॅमरस अभिनेत्री करिना कपूर ही या ब्रँडला प्रमोट करताना दिसत होती. पण आता करिना व मानुषी दोघीही हा ब्रँड प्रमोट करणार आहेत. यापूर्वी मानुषीने डब्बू रतनानीच्या कॅलेंडरसाठी फोटोशूट केले होते. डब्बू रतनानीच्या या कॅलेंडरसाठी फोटोशूट ही एक सन्मानाची बाब समजली जाते. दरवर्षी या कॅलेंडरसाठी बॉलिवूडचे टॉप मोस्ट चेहरे निवडले जातात. २०१८ च्या कॅलेंडरसाठी डब्बू रतनानी यांनी बॉलिवूडच्या २४ स्टार्सची निवड केली होती. यात शाहरूख खान, काजोल, अमिताभ बच्च, ऐश्वर्या राय अशा अनेकांचा समावेश होतो. या यादीत यंदाची मिस वर्ल्ड मानुषी छिल्लर हिचीही वर्णी लागली होती. विशेष म्हणजे दिशा पाटनीला रिप्लेस करून तिने ही जागा मिळवली होती.मानुषी सध्या सोनीपत मेडिकल कॉलेजमध्ये एमबीबीएस सेकंड ईयरची स्टुडंट आहे. मिस वर्ल्ड किताब जिंकल्यानंतर मानुषी लगेच बॉलिवूडमध्ये येणार, असे वाटले होते. पण मानुषी आपला एमबीबीएसचा अभ्यासक्रम पूर्ण करणार आहे. हार्ट स्पेशालिस्ट बनण्याची तिची इच्छा आहे. अर्थात यादरम्यान एखादी चांगली स्क्रिप्ट मिळालीच तर ती बॉलिवूडमध्येही येऊ शकते.ALSO READ : ‘मिस वर्ल्ड’ मानुषी छिल्लर बॉलिवूडच्या दिशेने! टायगर श्रॉफच्या गर्लफ्रेन्डला केले रिप्लेस!!मिस वर्ल्ड बनल्यानंतर एका मुलाखतीत मानुषीने आमिर खानसोबत स्क्रिन शेअर करण्याची इच्छा बोलून दाखवली होती. आमिर सामाजिक मुद्यांवर चित्रपट बनवतो. त्याला समाजाची नस चांगलीच कळते, असे ती म्हणाली होती.