प्रसिद्ध बॉलिवूड गायिका नीती मोहन आणि कोरिओग्राफर शक्ती मोहनची बहीण मुक्ती मोहन हिने 'अ‍ॅनिमल' फेम अभिनेता कुणाल ठाकूरसोबत लग्न केले आहे. मुक्ती मोहनने तिच्या लग्नाचे फोटो सोशल मीडियावर शेअर करत चाहत्यांना खुशखबर दिली आहे. तिच्या लग्नाचे फोटो सोशल मीडियावर व्हायरल होताना दिसत आहे. मुक्ती वधूच्या गेटअपमध्ये खूपच सुंदर दिसते आहे.
१० डिसेंबर, २०२३ ला मुक्ती मोहनने तिच्या इंस्टाग्राम हँडलवर तिच्या शाही विवाह सोहळ्यातील काही फोटो शेअर केली आहेत. तिच्या खास दिवसासाठी तिने गडद गुलाबी लाखाचा लेहेंगा घातला होता. तिने एक भारी भरतकाम केलेली चोली आणि डबल दुपट्ट्यासह हे स्टाइल केले. तिने हिरा आणि पन्ना चोकर, एक लांब नेकलेस, मॅचिंग कानातलेसह तिचा लूक पूर्ण केला. तर दुसरीकडे तिचा वर कुणालने भरतकाम केलेली क्रीम-टोन शेरवानी आणि जुळणारी पगडी घातली होती.
मुक्तीने लग्नाची फोटो शेअर करत, दोघांनी जाहीर केले की ते पती-पत्नी म्हणून त्यांच्या पुढील प्रवासासाठी तयार आहेत. तिने पोस्टमध्ये लिहिले की, 'तुझ्यात मला माझे दैवी नाते दिसते. तुझ्याशी माझे मिलन एक नशीब आहे. देव, कुटुंब आणि मित्रांनी दिलेल्या आशीर्वादाबद्दल कृतज्ञ. आमचे कुटुंब आनंदी आहेत आणि पती-पत्नी म्हणून आमच्या पुढील प्रवासासाठी तुमचे आशीर्वाद हवे आहेत.
वर्कफ्रंट..मुक्ती मोहन हे सिने जगतातील एक प्रसिद्ध नाव आहे. ती 'झलक दिखला जा ६', 'फियर फॅक्टर: खतरों के खिलाडी ७' आणि इतर अनेक शोचा भाग आहे. दुसरीकडे, तिचा पती कुणाल ठाकूर एक प्रसिद्ध अभिनेता आहे, जो 'कबीर सिंग' आणि 'अ‍ॅनिमल' सारख्या चित्रपटांचा भाग आहे.