बॉलिवूडची बेबो म्हणजेच अभिनेत्री करिना कपूर (Kareena Kapoor) आणि अभिनेता सैफ अली खान (Saif Ali Khan) त्यांच्या पर्सनल लाइफमुळे चर्चेत येत असतात. करीना कपूर आणि सैफ अली खानची मुले जेह (Jeh) आणि तैमूर (Taimur) हेदेखील तितकेच चर्चेत येत असतात. दोघांचेही फोटो सोशल मीडियावर व्हायरल होताना दिसतात. करीना आणि सैफचा मोठा लेक तैमूर हा पाच वर्षांचा आहे तर जेह हा एक वर्षाचा आहे. बऱ्याचदा जेह आणि तैमूर यांच्या सोशल मिडीयावरील व्हायरल व्हिडीओमध्ये त्यांच्यासोबत एक नॅनी दिसते. ही नॅनी तैमूर आणि जेहचा सांभाळ करते. त्यासाठी ती लाखो रूपये फी घेते.
मीडिया रिपोर्टनुसार तैमूर आणि जेह यांना सांभाळण्यासाठी नॅनी दीड लाख रुपये फी घेते. या नॅनीचे नाव सावित्री असून तैमूरचा जन्म २०१६ साली तेव्हापासून तिने त्याला सांभाळायला सुरूवात केली. त्यानंतर जेहचा जन्म झाला. त्यालादेखील ही नॅनीच सांभाळते.