ड्रिम गर्ल हेमा मालिनीच नव्हे तर ‘या’ अभिनेत्रीच्या सौंदर्याचे दिवाने होते धर्मेंद्र!

बॉलिवूडमध्ये धर्मेंद्र आणि ड्रिम गर्ल हेमा मालिनी यांची लव्हस्टोरी त्याकाळी खूप गाजली होती. धर्मेंद्र हेमा मालिनींच्या सौंदर्याने असे काही घायाळ झाले होते की, त्यांनी पहिल्या पत्नीपासून दूर जात हेमा मालिनी यांच्याशी विवाह केला. परंतु तुम्हाला माहिती आहे काय की, धर्मेंद्र ड्रिम गर्ल हेमा मालिनी यांच्याबरोबरच आणखी एका अभिनेत्रीच्या सौंदर्याचे दिवाने होते. होय, या अभिनेत्रीचे नाव अनिता राज असे आहे. धर्मेंद्र यांच्या करिअरमध्ये एक काळ असाही आला जेव्हा बॉक्स आॅफिसवर त्यांची जादू चालणे बंद झाले. मात्र १९८३ मध्ये राजकुमार कोहलीच्या ‘नौकर बीवी का’ या चित्रपटाने धर्मेंद्र यांच्या करिअरला एक नवी दिशा दिली. या चित्रपटात धर्मेंद्रसोबत अनिता राज यांनी काम केले होते. त्यावेळी या दोघांची जोडी प्रेक्षकांना चांगलीच पसंत आली. ‘नौकर बीवी का, प्रेम गीत, गुलामी’ यांसारखे सुपरहिट चित्रपट देऊन अनिता राज यांनी बॉलिवूडमध्ये स्वत:चे स्थान निर्माण केले होते. त्याकाळी अनिता राज यांनी धर्मेंद्रसोबत बºयाचशा चित्रपटांमध्ये काम केले. धर्मेंद्र आणि अनिता राज यांनी ‘गुलामी, करिष्मा कुदरत का, जलजला आणि इन्सानियत के दुश्मन’ या सुपरहिट चित्रपटांमध्ये एकत्र काम केले. त्यामुळे इंडस्ट्रीमधील बरेचसे दिग्दर्शक आणि निर्माता या जोडीसोबत काम करण्यास उत्सुक होते. यादरम्यान धर्मेंद्र आणि अनिता राज यांच्यातील अफेअरच्या चर्चाही रंगल्या होत्या. असे म्हटले जात होते की, एकत्र काम करीत असल्याने धर्मेंद्र यांच्या मनात अनिताप्रती प्रेम निर्माण झाले. दोघांच्या अफेअरची चर्चा त्याकाळी संपूर्ण बॉलिवूडमध्ये पसरली होती. परंतु धर्मेंद्र आणि अनिता यांची लव्हस्टोरी आणखी कुठल्या वळणावर पोहोचेल तेच धरम पाजीच्या कुटुंबीयांनी त्यांच्यावर दबाव आणण्यास सुरुवात केली. पुढे धर्मेंद्र यांनी अनितापासून दूर जाणे पसंत केले. मात्र एक गोष्ट तेवढीच खरी आहे की, अनितामुळेच धर्मेंद्र यांचे करिअर दहा वर्ष टिकले.