बॉलिवूडमधील २९ वर्षीय अभिनेता बॉलिवूडचा ग्रीक गॉड म्हणजेच अभिनेता हृतिक रोशनचा खूप मोठा चाहता आहे. हा अभिनेता म्हणजे टायगर श्रॉफ. टायगर लवकरच हृतिक रोशनसोबत रुपेरी पडद्यावर झळकणार आहे. नुकताच टायगरचा स्टुडंट ऑफ द ईयर २ चित्रपट प्रदर्शित झाला. या चित्रपटाला प्रेक्षकांचा खूप चांगला प्रतिसाद मिळतो आहे. त्यामुळे सध्या टायगर खूप खूश आहे.
'स्टुडंट ऑफ द ईयर २'ला मिळत असलेल्या प्रतिसादामुळे टायगर श्रॉफ खूप खूश असून त्याने सांगितले की, 'यामुळे मी खूप खूश आहे. ज्यांनी आम्हाला इतके प्रेम दिले, त्यांचे मी आभार मानतो. ' या चित्रपटानंतर टायगर सिद्धार्थ आनंद यांच्या प्रोजेक्टमध्ये दिसणार आहे आणि या चित्रपटात टायगरसोबत अभिनेता हृतिक रोशन मुख्य भूमिकेत दिसणार आहे.
मोर्टल कॉम्बैट सीरिजची निर्माती लॉरेंस कसांऑफने नुकतेच मुंबईत येऊन टायगरची भेट घेतली. अद्याप काहीही फायनल झालेले नाही.